The Cure-მა ახალი საკონცერტო ფილმის გამოსვლის თარიღი გაამჟღავნა. ეს სრულმეტრაჟიანი ცოცხალი შესრულება ჯგუფის უახლესი სტუდიური ალბომის, 2024 წლის The Show of a Lost World-ის ყველა სიმღერას მოიცავს. ფილმის ექსკლუზიური ჩვენება კინოთეატრებში შეზღუდული დროით 11 დეკემბერს იქნება შესაძლებელი, ბილეთების შეძენა კი 20 ნოემბრიდან დაიწყება. ფილმი ბრიტანელმა რეჟისორმა და The Cure-ის დიდი ხნის მეგობარმა ნიკ უიკჰემმა გადაიღო, რომლის ნამუშევრებიცაა ასევე დოკუმენტური ფილმები Madonna, Shakira). The Cure-ის საკონცერტო ფილმი ლონდონში, კლუბ Troxy-შია გადაღებული, როდესაც ლეგენდარულმა ბენდმა წლების შემდეგ პირველად წარადგინა ახალი ალბომი Songs of a Lost World, სადაც პირველად და ჯერჯერობით უკანასკნელად ცოცხლად შეასრულეს სრული ალბომი.
The Cure: The Show of a Lost World იმ კონკრეტული საღამოს 31 სიმღერისგან შემდგარი შოუს ჩანაწერს მოიცავს, რომელიც ხელახლაა დამუშავებული, რემასტერირებული და 4K ხარისხში აღდგენილი.
აღსანიშნავია, რომ ალბომი Songs of a Lost World ბენდის პირველი სტუდიური ნამუშევარია 16-წლის შემდეგ.
ფილმი საკონცერტო ჩანაწერის გარდა ასვე მოიცავს ხუთი სიმღერისგან შემდგარ კრებულს, რომელიც the Cure-ის მეორე ალბომ Seventeen Seconds-ის 45 წლის იუბილეს ეძღვნება. შოუს ჩანაწერი მოიცავს ისეთ ცნობილ ჰიტებსაც, როგორიც არის: Boys Don’t Cry, The Walk, A Night Like This, Disintegration, Fascination Street, Just Like Heaven, Pictures of You და სხვებს.
2024 წლის ალბომის პარალელურად The Cure-მა რემიქს ალბომი Mixes of a Lost World გამოსცა, რომელშიც ჩინო მორენო (Deftones), პოლ ოაკენფოლდი, Four Tet და სხვა არტისტებიც მონაწილეობენ.
ბენდი მომავალ ზაფხულს მასშტაბურ ღია კონცერტებს გეგმავს დიდ ბრიტანეთსა და ირლანდიაში, ასევე გამოსვლებს ისეთ ფესტივალებზე, როგორებიცაა Isle of Wight, Primavera Sound, Nova Rock და Rock en Seine.
The Cure-ის საკონცერტო ფილმის გამოსვლა Blu-Ray/DVD ფორმატით დეკემბრის ბოლოს იგეგმება და იგი ციფრული ჩამოტვირთვითაც იქნება ხელმისწავდომი.
ნახეთ ფილმის პოსტერი:
