14 ნოემბერს თათუზას ჯაზკლუბში მსმენელს განსაკუთრებული საღამო ელის. თბილისის ახალ დანიშნულების ადგილად ქცეულ ჯაზსცენაზე ახალგაზრდა თაობის გამორჩეული მუსიკოსები – ნიკალა და ხატია ქორიძე წარდგებიან.
კონცერტი ორ ნაწილად გაიმართება. პირველ ნაწილში მსმენელი ნიკალას შემოქმედებას მოისმენს, მოგვიანებით კი სცენას უკვე ხატია ქორიძის კვარტეტი დაიკავებს, რომელის შემადგენლობაშიც არიან: ხატია ქორიძე – ბასი, ნიკალა – კლავიში, ლუკა თოფურია – ფორტეპიანო, სოსო ცაგარეიშვილი – დრამი. ჯაზკლუბის სტუმრებს საშუალება ექნებათ, მოისმინონ კვარტეტის განსაკუთრებულად საინტერესო პროექტი Forgot To Dream.
კონცერტი 21:30 საათზე დაიწყება, კარი კი 20:30 საათზე გაიხსნება.
ბილეთების შეძენა შესაძლებელია როგორც ონლაინ, ასევე ადგილზე.
