Diddy-ს ვაჟმა კინგ კომბსმა ახალი ვიდეოკლიპი გააზიარა სიმღერაზე Kim, რომელიც მის გარდაცვლილ დედას, კიმ პორტერს ეძღვნება. კლიპის პროდიუსერი კანიე უესტია.
ორწუთიანი ვიდეო 16 ნოემბერს გამოვიდა. ის მოიცავს კინგ კომბსის ემოციურ კადრებს, რომელიც ტირის, გარბის, ზის იარაღით ხელში… ვიდეოში ასევე გაცოცხლებულია კომბსის ბავშვობის მოგონებებიც.
„კიმ, მიყვარხარ, დედა. შენ გარეშე აღარაფერია ძველებურად,” – წერს კომბსი ინსტაგრამზე გამოქვეყნებულ პოსტში. „ძალიან მენატრები, დედა. ერთი დღეც არ გავა, შენი სიყვარული რომ არ ვიგრძნო. დღევანდელი დღე სულ დარჩება მნიშვნელოვნად. მინდოდა, ამ ვიდეოთი შენთვის პატივი მომეგო. ვიცი, რომ ზეცაში ხარ და ამაყობ ჩვენით. მიყვარხარ სამუდამოდ.”
მანამდე, ივნისში, კომბსმა და უესტმა ერთობლივი EP გამოსცეს, სახელწოდებით Never Stop. უესტის პროდიუსერობით გამოსულ ალბომში მისი და კიმ კარდაშიანის ქალიშვილი ნორს უესტიც მონაწილეობს. განსაკუთრებული ყურადღება მიიპყრო ჩანაწერის ერთ-ერთმა სიმღერამ Diddy Free, რომელიც შონ კომბის საპატიმროდან გათავისუფლებას ეძღვნება.
„ბილბორდთან” ინტერვიუში კომბსი იხსენებდა, თუ როგორ დაუკავშირდა კანიე, როცა მამამისის სასამართლო პროცესები მიმდინარეობდა, რომელიც საბოლოოდ Diddy-სთვის 4-წლიანი პატიმრობის განაჩენით დასრულდა.
„ის დამიკავშირდა, რათა ჩემთვის მხარდაჭერა გამოეხატა და შემდეგ ვისაუბრეთ Sean John-ის თანამშრომლობაზე. ბევრმა შეიძლება არც იცის, რომ თავიდან ჩვენ სწორედ Sean John-ის კოლაბორაცია უნდა გაგვეკეთებინა. დავიწყეთ ამაზე საუბარი და მან მითხრა, რომ ჩემთან ერთად ხუთსიმღერიანი EP-ის ჩაწერა უნდოდა. მე კი ვუპასუხე: ‘ამას ფიქრიც არ სჭირდება, რა თქმა უნდა,’ და ჩვენ ეს უბრალოდ გავაკეთეთ.”
ნახეთ ვიდეოკლიპი:
