არიანა გრანდე Saturday Night Live-ში ბრუნდება. 17 ნოემბერს გადაცემამ ოფიციალურად დაადასტურა, რომ მომღერალი 30 Rock-ის სტუდიაში უკვე მესამედ წარდგება.
არიანა გრანდე SNL-ის ეთერში ბოლოს ერთი წლის წინ იმყოფებოდა, ახალი ეპიზოდი კი ეთერში 20 დეკემბერს გავა. განსხვავება ის არის, რომ ამჯერად არიანა არა სტუმრის, არამედ წამყვანის როლშია, მისი მუსიკალური სტუმარი კი Sher გახლავთ.
არიანა გრანდეს დაბრუნებამდე SNL-ის მომდევნო ორი კვირაც საკმაოდ საინტერესო იქნება. 6 დეკემბრის ეპიზოდში გადაცემას მელისა მაკკარტი წაიყვანს, მუსიკალური სტუმრის სტატუსით კი Dijon წარდგება. შემდეგი კვირის ეპიზოდს ჯოშ ო’კონორი უხელმძღვანელებს, სტუმარი კი Lily Allen იქნება, რომლის ალბომიც West End Girl ახლახან გამოვიდა. ბრიტანელი პოპვარსკვლავი ბოლოს გადაცემაში 2007 წელს გამოჩნდა.
ბოლო დროს გამჟღავნებული წამყვანები და შემსრულებლები იმ შთამბეჭდავ სტუმართა სიას აგრძელებენ, რომლებიც გასულ ეპიზოდებში მონაწილეობდნენ. ცოტა ხნის წინ ოლივია დინი გლენ პაუელის ეპიზოდს სტუმრობდა, მანამდე კი Sombr-ის მუსიკალური დებიუტი შედგა. ნიკი გლეიზერის წინა ეპიზოდში კი საბრინა კარპენტერიც წამყვანის და მუსიკალური სტუმრის სტატუსით წარდგა.
არიანა გრანდეს SNL-ზე მესამედ გამოჩენა გასული წლის Wicked-ის პრემიერის პრომო კამპანიის ერთგვარი გაგრძელებაა. აღსანიშნავია, რომ Wicked: For Good-ის მსოფლიო პრემიერა 21 ნოემბერს შედგა, არიანა SNL-ში ფილმის პრემიერიდან თითქმის ერთი თვის თავზე წარდგება.
