მაიკლ ბუბლეის უკვდავი საშობაო ალბომი Christmas Billboard-ის Top Holiday ალბომების ჩარტში პირველ ადგილზე ბრუნდება. ალბომი 2011 წელს გამოვიდა, საერთო ჯამში კი უკვე 61 კვირაა, ამ რეიტინგში ლიდერ პოზიციას ინარჩუნებს.
ჩარტში ახალი ჩანაწერებით ბრედ პეისლის, ტრიშას იერვუდის და ჰერბ ალპერტის დებიუტიც შედგა.
Top Holiday Albums ჩარტი კვირის განმავლობაში აშშ-ში ყველაზე პოპულარული სეზონური ალბომების 50-ეულს აჯამებს, რაც ალბომის ეკვივალენტური ერთეულებით გამოითვლება და მოიცავს: ალბომის გაყიდვებს, ტრეკის ეკვივალენტს (TEA ) და სტრიმინგის ეკვივალენტს
(SEA).
Top Holiday Albums ჩარტი 2026 წლის იანვრის დასაწყისამდე ყოველკვირეულად ახლდება, რის შემდეგაც, ტრადიციულად, მომდევნო სეზონამდე ჩერდება. ჩარტი, როგორც წესი, ყოველწლიურად Billboard-ის რეიტინგთა სიაში ოქტომბერში ბრუნდება.
ბრედ პეისლის ახალი საშობაო ალბომი Snow Globe Town ჩარტში მე-15 პოზიციას იკავებს, ეს კი პეისლისთვის ამ რეიტინგში მოხვედრის მეორე შემთხვევაა. მისი 2006 წელს გამოცემული ალბომი Brad Paisley Christmas 2007 წლის იანვარში მე-2 ადგილზე იყო.
Snow Globe Town რვა ახალ სიმღერას და კლასიკურ საშობაო ჰიტებს აერთიანებს, რომელშიც შედის ასევე: The Christmas Song და Jingle Bell Rock.
ალბომი ასევე გამოჩნდა ჩარტებში: Top Album Sales – მე-15 ადგილით, Top Current Album Sales – მე-14 ადგილით და Top Country Albums ჩარტში 49-ე ადგილით.
ტრიშა იერვუდის Christmastime Top Holiday Albums ჩარტში 36-ე პოზიციაზეა. ალბომში შეტანილია ახალი ვერსიები კლასიკური კომპოზიციებიდან, როგორებიცაა My Favorite Things, Pure Imagination და Santa Claus Is Coming to Town.
დისკი ასევე მოიცავს ახალ ორიგინალ კომპოზიციას, სახელწოდებით Merry Christmas, Valentine, რომელიც იერვუდისა და გარდ ბრუკსის კოლაბორაციით შეიქმნა.
Top Holiday Albums-ის ჩარტში ჰერბ ალპერტის ალბომის, Christmas Time Is Here-ის დებიუტი შედგა, რომელიც რეიტინგში 44-ე ადგილს იკავებს. ეს ალპერტის მესამე საშობაო ალბომია. იგი ასევე დებიუტირებს Contemporary Jazz Albums ჩარტში მე-4 პოზიციით და მე-18 პოზიციაზეა Jazz Albums-ის საერთო რეიტინგში. ალბომში ასევე შედის ახალი ვერსიები სიმღერებზე: All I Want for Christmas Is You, Santa Baby და Winter Wonderland.
ჰერბ ალპერტის პირველი სეზონური ნამუშევარი 1968 წლის Christmas Album იყო, რომელმაც Billboard-ის Christmas LP-ის ჩარტში N1 პოზიცია დაიკავა. მისი მეორე, 2017 წლის ალბომი The Christmas Wish კი იმავე წელს Top Holiday Albums-ის ჩარტში მე-5 ადგილს იკავებდა.
