მანანა დოიჯაშვილის სახელობის XXVII საერთაშორისო ფესტივალი – „საახალწლო მუსიკალური შეხვედრები“ გრძელდება. ფესტივალის მეორე კონცერტი 10 დეკემბერს კონსერვატორიის დიდ დარბაზში გაიმართება. ორგანისტი რომან კრასნოვსკი სოლო კონცერტის ფარგლებში „Alexander Schuke Potsdam“-ის 3 მანუალიან, 40 რეგისტრიან ორგანზე დაუკრავს.
რომან კრასნოვსკი, წარმოშობით უკრაინელი ორგანისტი, 1990 წელს საცხოვრებლად ისრაელში გადავიდა. წლების განმავლობაში იყო იერუსალიმში „რუბინის მუსიკისა და ცეკვის აკადემიის“ ასისტენტ-პროფესორი, ამჟამად კი კარმიელის კონსერვატორიის პროფესორია. მისი კონცერტები წარმატებით იმართება ავსტრიაში, გერმანიაში, ნიდერლანდებში, შვეიცარიაში, იტალიაში, აშშ-ში. კრასნოვსკი ასევე ატარებს მასტერკლასებს სხვადასხვა საორგანო პროგრამისა და კურსის ფარგლებში.
მისი რეპერტუარი მოიცავს ბაროკოსა და კლასიციზმის ეპოქებს, რომანტიზმსა და XXI საუკუნის მუსიკას. რომან კრასნოვსკის ინიციატივით რეგულარული „საორგანო კონცერტების სერია” დაფუძნდა.
ფესტივალი „საახალწლო მუსიკალური შეხვედრები“ გ
10 დეკემბრის საკონცერტო პროგრამა მოიცავს იოჰან სებასტიან ბახის, ფელიქს მენდელსონ-ბართოლდის, იოჰანეს ბრამსის, იოჰან კრისტიან ჰაინრიხ რინკის, გეორგი კურკოვის და რომან კრასნოვსკის ნაწარმოებებს.
კონცერტი 19:00-ზე დაიწყება.
ფესტივალის მხარდამჭერები არიან: იტალიის რესპუბლიკის საელჩო საქართველოში, ესპანეთის სამეფოს საელჩო საქართველოში, სასტუმრო „თბილისი მარიოტი“, თიბისი ბანკი.
