13 დეკემბერს ბათუმის ყოველწლიური კინოფესტივალი BIAFF იხსნება. ფესტივალზე წარმოდგენილი იქნება როგორც სრულმეტრაჟიანი, ისე მოკლემეტრაჟიანი ფილმების კოლექცია.
წინა წლებისგან განსხვავებით, წელს ფესტივალი საკონკურსო პროგრამისა და ჟიურის გარეშე ჩაივლის. ორგანიზატორების თქმით, მცირე ბიუჯეტიდან გამომდინარე BIAFF 2025-ის ჩატარება განსხვავებული ფორმატით გადაწყდა. წლევანდელი კვირეული მხოლოდ კინოჩვენებებს დაეთმობა და რამდენიმე სექციაში წარმოდგენილი იქნება სხვადასხვა საერთაშორისო ფესტივალის მონაწილე (კანი, ვენეცია, სანდენსი, ბერლინალე და სხვ.) გამორჩეული ფილმები ოცზე მეტი ქვეყნიდან. ჟიურის ნაცვლად კი ნამუშევრების შეფასება კინომოყვარულებს შეეძლებათ, რომლებიც აუდიტორიის ჯილდოს მფლობელს გამოავლენენ. ფესტივალი ტრადიციულ ფორმატს მომავალ, საიუბილეო წელს დაუბრუნდება.
BIAFF 2025-ზე წარმოდგენილი იქნება 15 სრულმეტრაჟიანი და 25 მოკლემეტრაჟიანი ფილმი, რომლებიც შემდეგ კატეგორიებში განაწილდება: კინოფესტივალების საუკეთესო ფილმების კოლექცია, დიდოსტატთა კოლექცია, ფოკუსი უკრაინა, მოკლემეტრაჟიანი ფილმების ქართული სექცია და მოკლემეტრაჟიანი ფილმების საერთაშორისო სექცია. ჯამში ფესტივალი 25 ჩვენებას უმასპინძლებს.
დამატებითი ინფორმაციისა და კინოსეანსების განრიგის სანახავად ეწვიეთ ბმულს
ბილეთების შეძენა შეგიძლიათ ბმულზე
