პრისცილა პრესლი გამოეხმაურა ბრალდებას, რაც მის ყოფილ ბიზნესმრჩეველებთან, ბრიჯით კრუზესა და ქევინ ფიალკოსთან მიმდინარე სასამართლო პროცესს ეხება. მათ განაცხადეს, რომ რაილი კიო, ელვის პრესლის შვილიშვილი, სავარაუდოდ, ჯონ ტრავოლტას ვაჟის ბიოლოგიური დედაა.
სავარაუდო მტკიცებულებები, რომლებიც Billboard-მა გამოითხოვა, აჩვენებს, რომ ბრალდებები 2024 წლის თებერვალში დაიწყო, როცა კრუზემ და ფიალკომ პრისცილა პრესლის წინააღმდეგ ბიზნესქმედების გამო სარჩელი შეიტანეს. მათ აღნიშნეს, რომ რომ ჯონ ტრავოლტამ და მისმა განსვენებულმა მეუღლემ, კელი პრესტონმა, რაილი კიოს კვერცხუჯრედები გამოიყენეს შვილის ჩასასახად. კრუზეზ და ფალკოს მტკიცებით, ამის სანაცვლოდ, რაილის 20,000 დოლარი გადაუხადეს და ძველი „იაგუარის“ მოდელის ავტომობილი აჩუქეს.
დოკუმენტების მიხედვით, მანამდე ტრავოლტა და პრესტონი იყენებდნენ ელვისისა და პრისცილას გარდაცვლილი ქალიშვილის, ლისა მარი პრესლის (კიოს დედის) კვერცხუჯრედებს იყენებდნენ. ინფორმაციის წყაროდ დასახელებულია ლიზა მარის ყოფილი ქმარი, მაიკლ ლოკვუდი.
Billboard კომენტარისთვის პრესლის, კიოსა და ტრავოლტას წარმომადგენლებს, ასევე ლოქვუდს დაუკავშირდა .
პრისცილას ადვოკატები, მარტი სინგერი და უეინ ჰარმანი ამ ბრალდებებს „აღმაშფოთებელს“ და „სამარცხვინოს“ უწოდებენ. მათი თქმით, ამ აბსურდულ განცხადებებს რეალურ ბიზნეს-დავასთან კავშირი არ აქვს და ამაზე პასუხს სასამართლოში გასცემენ.
ბრალდების მხარის ადვოკატებმა TMZ-სთან განაცხადეს, რომ მათ კლიენტებს „გული შესტკივათ“, რადგან იძულებულნი გახდნენ, ეს ინფორმაცია საკუთარი თავის დასაცავად გაესაჯაროებინათ, რადგან მათ მანამდე შემაშფოთებელ და აბსურდულ ქმედებებში დასდეს ბრალი.
სასამართლო დოკუმენტებში გამოქვეყნებული განცხადებები მხოლოდ ერთი მხარის ბრალდებებია. კრუზე და ფიალკო სარჩელს 2024 წლიდან ეტაპობრივად სკანდალურ ბრალდებებს უმატებენ.
ბიზნეს-პარტნიორები ამტკიცებდნენ, რომ პრისცილა პრესლიმ ისინი საქმეს უსამართლოდ ჩამოაშორა. მათი თქმით, ეს მას შემდეგ მოხდა, რაც მათ პრისცილა „გარდაუვალი ფინანსური კრახისგან“ იხსნეს. 2024 წლის ივლისში პრისცილამ საპასუხო სარჩელი შეიტანა, ბრალდებით, რომ კრუზე და ფიალკო „განზრახ დაგეგმილ სქემას“ მიჰყვებოდნენ.
