2026 წელს ჯილ სკოტი სცენაზე დაბრუნებას გეგმავს. ფილადელფიაში დაბადებულმა მომღერალმა, ათ წელზე მეტი ხნის შემდეგ ახალი ალბომის გამოცემა პირველად დააანონსა. ალბომი ვალენტინობამდე ერთი დღით ადრე, 13 თებერვალს გამოვა.
To Whom This May Concern ჯილ სკოტის 2015 წლის Woman-ის შემდეგ პირველი ალბომია, რომელიც Billboard 200-ის ჩარტში პირველ ადგილზე გავიდა. ახალ ალბომში მონაწილეობენ Ab-Soul, J.I.D, ფილადელფიელი კოლეგა Tierra Whack და Too $hort. ჯილ სკოტი გამოცდილ პროდიუსერთა გუნდთან თანამშრომლობს, რომელშიც შედიან: DJ Premier, ადამ ბლეკსტონი, ომას კეიტი, Camper, ანდრე ჰარისი, სეიჯ მონტრაციტი, ტრომბონ შორთი, ერიკ უორთამი DW Wright და VT Tolan.
19 სიმღერისგან შემდგარი ალბომი, ნეო-სოულის ლეგენდამ პროექტის წამყვანი სინგლით – Beautiful People-ით აღნიშნა.
To Whom This May Concern ჯილ სკოტისთვის ერთგვარად ახალი ეტაპის დასაწყისია, ალბომი ლეიბლ The Orchard-ის მეშვეობით გამოვა. Atlantic Records-თან ხელშეკრულების ფარგლებში გრემის მფლობელი მომღერლისთვის ბოლო რელიზი 2015 წლის ალბომი იყო.
„ბოლოს და ბოლოს, ჩემი ახალი ალბომი სახელწოდებით TO WHOM THIS MAY CONCERN 13 თებერვალს გამოვა! დიდი მადლობა მოთმინებისთვის და მოსმენისთვის, წინასწარი შენახვის ბმული ჩემს „ბიოშია” მითითებული. სიყვარულით, ჯილი.“ – დაწერა ჯილ სკოტმა 2 იანვარს, ალბომის დაანონსებისას.
დეკემბერში მომღერალი Million Dollaz Worth of Game-ში იმყოფებოდა, სადაც თავის ახალ პროექტზეც ისაუბრა: „ამ ალბომში ბევრი რამ არის ცოცხალი. ბევრი აღმოჩენაა. მუსიკალურად, ეს სრული სპექტრია. რამდენიმე შესანიშნავი მუსიკოსი გვყავდა მოწვეული. ამ პროექტის მუსიკალურ დონეს და იმ ადამიანებს, ვინც ამ პროექტმა მოიზიდა, ვერაფერს დაუწუნებ, უზომოდ ბედნიერი ვარ. ვერც კი წარმოვიდგენდი, რომ ისინი ამ ალბომში იქნებოდნენ.” – თქვა მან.
2025 წელს ჯილ სკოტმა სერიალ Abbott Elementary-ს ერთ ეპიზოდში საკუთარი თავი განასახიერა, ხოლო წლის ბოლოს ტაილერ პერის ფილმში Why Did I Get Married Again? ითამაშებს.
ნახეთ ჯილ სკოტის To Whom This May Concern-ის ანონსი, რომლის მოსმენასაც 13 თებერვლიდან შეძლებთ.
