30 იანვარს Billboard Family-მ ექსკლუზიურად წარადგინა პეპას მუსიკალური ვიდეო Rihanna-ს სიმღერის, Diamonds-ის ქავერისთვის, პარალელურად კი მისი ალბომი Peppa Pig Pop ყველა პლატფორმაზე ხელმისაწვდომია.
ბრიტანული საბავშვო სერიალის ვარდისფერი ვარსკვლავი, პეპა გოჭი, Rihanna-ს ჰიტის მხიარულ ვერსიას გვთავაზობს, რომელმაც 2012 წელს Billboard Hot 100-ის სათავეში სამი კვირა დაჰყო. პეპა ტექსტის ნაწილსაც ცვლის და სიყვარულის ნაცვლად სიმღერას მეგობრობის ჰიმნად აქცევს. (მაგალითად: I knew that we’d become one right away შეიცვალა ფრაზით – I knew that we’d end as friends right away.)
ნახეთ Billboard Family-ს ექსკლუზიური მუსიკალური ვიდეო Diamonds (Peppa’s Version).
A$AP Rocky-ს ერთ-ერთი ინტერვიუდან ვიცით, რომ მისი და Rihanna-ს სახლში საბავშვო ანიმაცია Peppa Pig-ს ნამდვილად უყურებენ. 2022 წელს, პირველი შვილის, RZA-ს დაბადების შემდეგ, რეპერმა გამოცემა Dazed-თან თქვა: „ჩემს შვილებს მუდამ შევახსენებ, რომ არასოდეს დაკარგონ ფანტაზიის უნარი, ზრდასრულობის პერიოდშიც კი. სიმართლე გითხრათ, მულტფილმების ყურება მეც ძალიან მიყვარს“. აღნიშნა მან და ჩამოთვალა ისეთი ანიმაციები, როგორებიცაა: პეპა გოჭი, Teletubbies, Blue’s Clues, Yo Gabba Gabba და Baby Shark. ვარსკვლავურ წყვილს RZA-ს გარდა, 2023 წელს ვაჟი Riot-ი, ხოლო გასულ წელს ქალიშვილი Rocki შეეძინათ.
Diamonds (Peppa’s Version) სტრიმინგ პლატფორმებზე Peppa Pig Pop-ის ფარგლებში გამოვიდა. ალბომი ოთხი სიმღერისგან შედგება, რომელიც პეპას უკვე გამოქვეყნებულ ქავერ ვერსიებს მოიცავს, ესენია: BTS-ის Dynamite, კელი კლარკსონის Stronger და კეტი პერის Roar.
Hasbro
გასულ თვეს პეპა მუსიკალური სიახლეების სათავეში კიდევ ერთხელ მოექცა, როცა საბავშვო მეგა-ჰიტს, Baby Shark-ს შეუერთდა და ვირუსული სიმღერის საცეკვაო რემიქსი შექმნა.
