მართალია, ბეკჰემების ოჯახში ხმაურიანი საჯარო კონფლიქტია, თუმცა ამას ხელი არ შეუშლია დევიდ და ვიქტორია ბეკჰემებისთვის, უფროსი ვაჟისთვის დაბადების დღე მიელოცათ.
ბრუკლინის 27-ე დაბადების დღეზე ორივე მშობელმა ინსტაგრამზე ორ-ორი ფოტო გამოაქვეყნა. ვიქტორიამ ოჯახური ფოტო გააზიარა, სადაც ის და დევიდი პატარა ბრუკლინთან ერთად საცურაო აუზში არიან. მეორე ფოტოში კი ახალგაზრდა ვიქტორიას ასევე პატარა ბრუკლინი უჭირავს ხელში. „გილოცავ დაბადების დღეს, ბრუკლინ. ძალიან გვიყვარხარ,” – წერს Spice Girls-ის ყოფილი წევრი.
რაც შეეხება ლეგენდარულ ფეხბურთელს, ვიქტორიას მსგავსად, მანაც აუზის ფოტო გააზიარა, წარწერით: „დღეს 27 წლის. დაბადების დღეს გილოცავ. გვიყვარხარ.” მეორე ფოტოზე კი დევიდი და ჯერ კიდევ სკოლის მოსწავლე ბრუკლინი არიან აღბეჭდილი.
წლების განმავლობაში ვრცელდებოდა ჭორები, რომ ბრუკლინსა და მის მეუღლე ნიკოლა პელცს ვიქტორიასა და დევიდთან კონფლიქტი ჰქონდათ. იანვარში ბრუკლინმა ჭორები დაადასტურა და სოციალურ ქსელში ოჯახური კონფლიქტის საკუთარი მხარე გააზიარა.
„რადგან ჩემი მშობლები და მათი გუნდი კვლავ განაგრძობენ პრესასთან კონტაქტს, სხვა გზა აღარ მრჩება, გარდა იმისა, რომ ვისაუბრო ჩემი სახელით და ნათელი მოვფინო მხოლოდ რამდენიმეს იმ ტყუილებს შორის, რომლებიც იბეჭდება. მე არ მსურს ოჯახთან შერიგება. მე არავინ მაკონტროლებს. ცხოვრებაში პირველად ვსაუბრობ ჩემი სახელით.”
ბრუკლინისა და ნიკოლას პრობლემები, როგორც ჩანს, 2022 წელს, მათი ქორწილიდან დაიწყო. და როცა წყვილმა 2025 წელს საქორწინო ფიცი განაახლა, წვეულებას ბრუკლინის არცერთი მშობელი არ დასწრებია. გასულ წელს ბრუკლინმა ასევე გამოტოვა დევიდის 50 წლის იუბილე, რომელსაც ბეკჰემების ყველა დანარჩენი შვილი ესწრებოდა.
