9 მაისს Factory Tbilisi ჯეი-ჯეი იოჰანსონს უმასპინძლებს. შვედი მუსიკოსი ამჯერად სცენაზე ნიკოლოზ რაჭველთან ერთად წარდგება და საკუთარ შემოქმედებას მსმენელს საქართველოს ეროვნული სიმფონიური ორკესტრის თანხლებით გაუზიარებს. კონცერტში მონაწილეობას მიიღებს ასევე ანსამბლი შავნაბადა.
ღონისძიება მერსედეს-ბენცის თბილისის მოდის კვირეულის ფარგლებში შედგება. ეს არ არის პირველი შემთხვევა, როცა ჯეი-ჯეი იოჰანსონი საქართველოს ეწვევა. მუსიკოსი 2016 წლიდან სტუმრობს საქართველოს და არაერთი კონცერტი აქვს გამართული თბილისის სხვადასხვა სცენაზე, მათ შორისაა Factory Tbilisi-ც, სადაც იოჰანსონი გასულ წელს ერთხელ უკვე წარდგა მსმენელის წინაშე.
ერთ-ერთი ასეთი ვიზიტის დროს Billboard საქართველომ ჯეი-ჯეი იოჰანსონთან ინტერვიუ ჩაწერა.
კონცერტის ბილეთების შეძენა შეგიძლიათ ბმულზე.
