Drake-ის ალბომის, Iceman-ის გამოცემის თარიღი საბოლოოდ გაშიფრულია.
21 აპრილს სტრიმერმა Kishka-მ ტორონტოში, Iceman-ის ყინულის სკულპტურის თავზე ჟურნალი აღმოაჩინა, რომლის მიხედვითაც რეპერის მომავალი ალბომი 15 მაისს გამოვა.
ინსტალაციის გახსნიდან სულ რაღაც ერთ დღეში Kishka-ს მცდელობამ, ყინულის ლოდის დამუშავებამ, შედეგი გამოიღო და მან Iceman-ის „ოქროს ბილეთს“ მიაგნო. სტრიმერმა მიიღო ინსტრუქცია, ნაპოვნი ჟურნალით Drake-ის Toronto mansion-ში მისულიყო, სადაც სწორედ Iceman-ის 15 მაისის რელიზის თარიღი იყო გამჟღავნებული.
„Iceman – 15 მაისი,“ კითხულობს Kishka ვიდეოში. „2024… 2026 იქნება ჩემი წელი. ღმერთო, რა ხდება!“ – გაწეული ძალისხმევისთვის Drake-ის გუნდმა სტრიმერს ფულით სავსე ჩანთა გადასცა.
ჟურნალის პირველ გვერდზე სწორედ რელიზის თარიღია მითითებული, რასაც მასიური წარწერა ახლავს – „2024 is my year“ (2024 ჩემი წელია), თუმცა 24 გადახაზულია და მის ნაცვლად 26-ია მიწერილი.
როგორც ჩანს, ეს დეტალი Drake-ის მიმართ 2024 წელს ჰიპ-ჰოპ სამყაროდან წამოსულ კრიტიკას ეხმიანება, განსაკუთრებით კენდრიკ ლამართან გახმაურებული მუსიკალური დაპირისპირების შემდეგ მოვლენას, რომელმაც ფართო რეზონანსი გამოიწვია.
Drake თითქმის ერთი წელია ალბომ Iceman-ს აანონსებს. 2025 წელს მან გამოუშვა სინგლები Dog House, Which One (Central Cee-ს მონაწილეობით) და What Did I Miss, რომელმაც Billboard Hot 100-ში მეორე ადგილი დაიკავა და დღემდე რჩება რეპერის ყველაზე ბოლოს გამოცემულ ტრეკად, რომელიც ამ ჩარტის საუკეთესო ათეულში მოხვდა.
Drake-ისთვის Iceman მეცხრე სოლო სტუდიური ალბომი იქნება. ეს არტისტის პირველი სრულმასშტაბიანი პროექტია 2023 წლის ალბომის, For All the Dogs-ის შემდეგ, რომელიც მისი ყველა წინა სოლო ნამუშევრის მსგავსად, Billboard 200-ის სათავეში მოექცა.
Iceman-ის სეზონი დგება. ელოდეთ ალბომს ციფრულ პლატფორმებზე, რომელიც 15 მაისს გამოვა.
