ანუკა ყიფშიძის ახალი სინგლი –  Aqui

„Aqui ესპანურად ნიშნავს – აქ. მუშაობის პროცესი საინტერესო იყო და გამოწვევაც ახლდა, თავისთავად, რადგან ამ სტილში მუსიკა აქამდე არ გამიკეთებია.“
ანუკა ყიფშიძე - მუსიკოსი ფოტო: Ho-Ting Wei
ანუკა ყიფშიძე – მუსიკოსი
ფოტო: Ho-Ting Wei

ქართველმა მუსიკოსმა ანუკა ყიფშიძემ ახალი სინგლი, სახელწოდებით Aqui წარადგინა. არტისტი წლებია, მუსიკალურ სფეროში მრავალმხრივი მიმართულებით მუშაობს. მისი შემოქმედებითი გზა ბას-გიტარისტობით დაიწყო, მოგვიანებით კი სხვადასხვა მუსიკალურ პროექტსა და კოლაბორაციაში მიიღო მონაწილეობა. ანუკა ყიფშიძე ასევე აქტიურად მუშაობს საავტორო მუსიკაზე და საკუთარ ხელწერას მუდმივად ახალი ელემენტებით ავითარებს. აღსანიშნავია, რომ სინგლის ქავერ-არტიც თავად არტისტის მიერ არის შექმნილი.

Aqui ანუკა ყიფშიძისთვის განსაკუთრებით მნიშვნელოვანი პროექტია, რადგან ეს მისი პირველი ესპანურენოვანი ნამუშევარია. 

ანუკა ყიფშიძე - Aqui არტ ქავერი: ანუკა ყიფშიძე
ანუკა ყიფშიძე – Aqui
არტ ქავერი: ანუკა ყიფშიძე

ანუკა ყიფშიძე – მუსიკოსი:

„მუსიკის იდეა საფრანგეთში ცხოვრების პერიოდში დაიბადა, ჩემს ოთახში, და იქვე დავასრულე. Aqui ესპანურად ნიშნავს – აქ. მუშაობის პროცესი საინტერესო იყო და გამოწვევაც ახლდა, თავისთავად, რადგან ამ სტილში მუსიკა აქამდე არ გამიკეთებია. ბითი არის სრულიად თანამედროვე რეგეტონის სტილში, ექსპერიმენტული და ელექტრო.

გასულ წელს ლათინო მეგობრები შევიძინე, ჩემი ჯგუფელები არიან, მაგისტრატურაზე ერთად ვსწავლობთ და მათთან ურთიერთობისას უფრო მეტი ინტერესი გამიჩინდა ლათინო მუსიკისა და ხალხის მიმართ. რა თქმა უნდა, ეს ისედაც მქონდა, უბრალოდ როცა კარგ ხალხს გაიცნობ, ცდილობ, რომ მეტი გაიგო მათ შესახებ.

ესპანური ენაც ამიტომ ავირჩიე და არა მშობლიური, რადგან  ქართულენოვანი სიმღერები ყოველთვის მქონდა. 

ესპანურად სამწუხაროდ ვერ ვსაუბრობ, ელემენტარული სიტყვები ვიცი, მაგრამ როცა ჩემს მეგობრებს ტექსტი ვანახე, მითხრეს, რო „ოქეი“ იყო, ამიტომ აღარ შევუშინდი და გამოვაქვეყნე. ძალიან მომეწონა ამ ჟანრში მუშაობა და ვცდილობ, ნელ-ნელა კიდევ ახალი რაღაცები შემოგთავაზოთ.

ამჯერად დიდი პროექტისთვის ვემზადები, რასაც მალე გაგაგებინებთ.”


მოისმინეთ ანუკა ყიფშიძის ახალი სინგლი: Aqui:

Share
Tweet
Share
Share
Share

Leave a Reply

წინა სტატია

ლევან შანშიაშვილი - მუსიკოსი

ლევან შანშიაშვილი – მცენარეების იმპულსებით შექმნილი მელოდია, რომელიც არასდროს მეორდება

შემდეგი სტატია

ქეთი მელუა გამომწერებს „თუ ასე ტურფას” დაკვრას ასწავლის

შეიძლება დაგაინტერესოთ

LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი

როგორ ჟღერდა 1998 წელი? თვალი გადავავლოთ წელს, რომელმაც პოპმუსიკა შეცვალა

ჰიპ-ჰოპის მზარდი გავლენიდან ბიჭების მუსიკალური ჯგუფების ბუმამდე – 1998 წელი მუსიკალური გარდაქმნების პერიოდი იყო, რომელმაც საფუძველი ჩაუყარა ახალი ათასწლეულის მუსიკალურ ჟღერადობას.
მეტი