Bad Bunny-სთვის წითელ ხალიჩაზე შთამბეჭდავი იმიჯის მორგება უცხო არ არის, თუმცა 2026 წლის Met Gala-ზე, ლათინოამერიკელმა სუპერვარსკვლავმა კვლავ შეძლო ყურადღების ცენტრში ყოფილიყო. არტისტი მეტროპოლიტენის მუზეუმის კოსტიუმირებული მიღებისთვის სრულად გარდაისახა – ხელჯოხმა, თეთრმა თმამ და გრიმმა ის ხანშიშესულ ადამიანად აქცია. თმისა და გრიმის გარდა, მისმა სხეულის ენამაც სრულყოფილად განასახიერა ხანდაზმული ადამიანის პერსონაჟი.
Vogue-ის წითელი ხალიჩის თანაწამყვანმა, ლა ლა ენტონიმ Bad Bunny-ს ჰკითხა, თუ როგორ ახერხებს ყოველი წლის Met Gala-ზე, რომ მოლოდინებს გადააჭარბოს. „ვცდილობ, ყოველთვის რაღაც განსხვავებული გავაკეთო. Met Gala სწორედ ის დღეა, როდესაც შეგიძლია ექსპერიმენტი ჩაატარო, იყო კრეატიული და საკუთარი თავი სხვანაირად გამოხატო“.
კითხვაზე, თუ რამდენი ხანი დასჭირდა ამ იმიჯის შექმნას, Bad Bunny-მ ენტონისთან იხუმრა: „ზუსტად 53 წელი. დრო კი წაიღო, მაგრამ ნამდვილად ღირდა. იმედია, კარგად გამოვიყურები.”
2026 წლის Met Gala-ს თემის სახელწოდება იყო – „მოდა ხელოვნებაა“ (Fashion Is Art). Met Gala-ს წითელ ხალიჩაზე ასევე გამოჩნდნენ Maluma, მადონა, ბიონსე, რომელიც წლევანდელი გალას თანამასპინძელია. ასევე ხალიჩაზე წარდგნენ Charli xcx, სემ სმითი, Doja Cat, საბრინა კარპენტერი და BLACKPINK-ის ოთხივე წევრი – ჯისუ, ჯენი, ლისა და როზე.
