15 მაისს ფრეიკმა ფანებს სამი ალბომი წარუდგინა. დაანონსებული LP-ის გარდა, მან Iceman-თან ერთად ასევე გამოსცა Habibti და Maid of Honour.
Iceman 18 ტრეკს აერთიანებს, მათ შორის კოლაბორაციებს 21 Savage-თან, Molly Santana-სთან და Future-თან. Maid of Honour 14 სიმღერისგან შედგება და მასში მონაწილეობენ Stunna Sandy, Central Cee, Sexyy Red, Iconic Savvy და Popcaan. ხოლო Habibti-ში 11 ახალი სიმღერაა შესული, სადაც ასევე გვხვდება Sexyy Red, Loe Shimmy და Partynextdoor.
დრეიკის რიგით მეცხრე, მეათე და მეთერთმეტე სტუდიური ალბომები მისი პირველი ნამუშევრებია 2024 წელს კენდრიკ ლამართან დაპირისპირებისა და 2023 წლის For All the Dogs-ის შემდეგ. არტისტი Iceman-ს ჯერ კიდევ 2025 წლიდან აანონსებდა. ალბომის სარეკლამო კამპანიის ფარგლებში მან ტორონტოს ცენტრში ყინულის მასიური კონსტრუქციაც დადგა, რომელიც რამდენიმე დღის შემდეგ ქალაქის სახანძრო სამსახურმა საზოგადოებრივი უსაფრთხოების გამო დაშალა. სანამ კონსტრუქცია გადნებოდა, სტრიმერმა, სახელად Kishka-მ, ინსტალაციის შიგნით იპოვა საქაღალდე წარწერით Iceman, რომელზეც ალბომის გამოსვლის თარიღი – 15 მაისი იყო მითითებული. დრეიკის გუნდმა მას ამ აღმოჩენისთვის ჯილდოდ 50 000 დოლარი გადასცა.
რაც შეეხება ახალი რელიზების პოტენციალს, თუ Iceman ან დანარჩენი ორი ალბომიდან რომელიმე Billboard 200-ის სათავეში მოექცევა, ეს დრეიკს ჩარტში რეკორდულ, მე-15 პირველ ადგილს მოუტანს, რითაც ის Jay-Z-ის გადაუსწრებს. მომავალ კვირას დრეიკს აქვს შანსი, Billboard 200-ის პირველი სამი პოზიცია ერთდროულად დაიკავოს, რაც წარსულში მხოლოდ მაიკლ ჯექსონმა შეძლო. თუმცა, ამ შემთხვევაშიც, დრეიკი იქნება პირველი, ვინც პირველ სამ ადგილს ერთდროულად, ახალი დებიუტებით დაიკავებს.
მოუსმინეთ დრეიკის ახალ ალბომებს.
