ორწლიანი პაუზის შემდეგ ელექტრონული მუსიკის წამყვანი ფესტივალი 4GB ბრუნდება. ტრადიციული საგაზაფხულო თარიღების ნაცვლად, წლევანდელი გამოშვება შემოდგომაზე, 2-3 ოქტომბერს „ლოკო პარკში” გაიმართება.
დაბრუნება ფესტივალმა გულშემატკივარს სოციალურ ქსელებში გამოქვეყნებული ვიდეოთი ამცნო, რომელშიც 4GB-ის ახალი ლოკაციაა ნაჩვენები – ყოფილი ელმავალმშენებელი ქარხნის ტერიტორია, რომელიც ახლა უკვე „ლოკო პარკის” სახელით სხვადასხვა კულტურულ ღონისძიებას მასპინძლობს.
ამ ეტაპზე სხვა დეტალები უცნობია. ჯერჯერობით არ გამოცხადებულა არც ფესტივალის პროგრამა.
4GB 2011 წელს ქართველი პიონერი დიჯეის, გიორგი ბაქანიძის ხსოვნის პატივსაცემად დაარსდა და მას შემდეგ 11 გამოშვებას უმასპინძლა. 2024 წელს, ქვეყანაში განვითარებული მოვლენების გამო, ფესტივალი გაუქმდა, ხოლო 2025 წელს შეცვლილი ფორმატით, მხოლოდ მაიკლ მაიერის მონაწილეობით გაიმართა. წელს კი 4GB მე-12 სეზონითა და სრულმასშტაბიანი ფორმატით დაბრუნდება.
ბილეთების შეძენა შეგიძლიათ tkt.ge-სა და biletebi.ge-ზე.
