2026 წლის ფეხბურთის მსოფლიო ჩემპიონატი ახლოვდება და „ფიფამ” ჩემპიონატის ოფიციალური ალბომის სიმღერების სია გამოაქვეყნა. ალბომში 18 სიმღერა შედის, რომელთა რიგებშიც ცნობილი არტისტების არაერთ კოლაბორაციას შეხვდებით. მათ შორისაა: GOALS – ლისას, ანიტასა და Rema-ს ერთობლლივი ნამუშევარი; Game Time, რომელსაც Future და ტაილა ასრულებენ; შაკირასა და Burna Boy-ს Dai Dai და სხვ.
ალბომი ასევე მოიცავს ისეთ საკულტო მუსიკოსებს, როგორებიც არიან The Rolling Stones, სიმღერით In the Stars (Remix), ალეხანდრო ფერნანდესი, სიმღერით Mi Mexico Lindo; Jelly Roll და კარინ ლეონი, სიმღერით Lighter, რომელიც ალბომის პირველი დაანონსებული სინგლი იყო.
„ფიფას 2026 წლის მსოფლიო ჩემპიონატის ოფიციალური ალბომი სხვადასხვა კონტინენტის, ენისა და ჟანრის არტისტებს მოიცავს პროექტში, რომლის მიზანია, ფანები მთელი მსოფლიოს მასშტაბით მუსიკისა და ფეხბურთის ძალით გააერთიანოს,” – აღნიშნა „ფიფას” პრეზიდენტმა ჯანი ინფანტინომ.
ალბომი ხელმისაწვდომი იქნება სტრიმინგ პლატფორმებზე, თუმცა ფანებს მასში შესული სიმღერების მოსმენა მეხიკოში, ტორონტოსა და ლოს-ანჯელესში გამართულ კონცერტებზე, ასევე ჩემპიონატის გახსნის ცერემონიებზე შეეძლებათ.
მსოფლიო ჩემპიონატი 2026 წლის 11 ივნისს დაიწყება და 19 ივლისს დასრულდება.
2026 წლის მსოფლიო ჩემპიონატისთვის „ფიფას” ინოვაციები მხოლოდ ალბომს არ მოიცავს. წელს, ისტორიაში პირველად, ე.წ. Halftime show შედგება. შოუზე შაკირა, BTS და მადონა წარდგებიან.
