13 ივნისს სახელმწიფო კონსერვატორიაში სტარტს აიღებს თბილისის საერთაშორისო საფორტეპიანო ფესტივალის რიგით მეშვიდე გამოშვება. თბილისი პიანო ფესტი 28 ივნისამდე გაგრძელდება და ქართული და საერთაშორისო სცენის გამორჩეულ ვარსკვლავებს უმასპინძლებს.
წელს ფესტივალს ალექსეი ვოლოდინი და ედიტ პენია გახსნიან. პიანო ფესტის სცენაზე ეს მუსიკოსების რიგით მეორე ერთობლივი გამოსვლა იქნება, ამჯერად შუბერტის, მენდელსონისა და რახმანინოვის პროგრამით. მსმენელის წინაშე ასევე წარდგებიან: ნიკოლას ნამორაძე, ანდრიუს ჟლაბისი, პოლ ლუისი, ციპრიენ კაცარისი, სიმონ გრაიში, კონსტანტინ ლიფშიცი.
ფესტივალი 28 ივნისს ეროვნული სიმფორნიური ორკესტრისა და დუდანა მაზმანიშვილის კონცერტით დაიხურება. საღამოს იტალიელი მაესტრო კარლო პონტი უდირიჟორებს.
კონცერტები თბილისის სახელმწიფო კონსერვატორიაში, საქართველოს პარლამენტის ეროვნულ ბიბლიოთეკასა და ორბელიანის მოედანზე გაიმართება. ფესტივალის ფარგლებში ასევე ჩატარდება მასტერკლასები ნიჭიერი ახალგაზრდა მუსიკოსებისთვის.
ბილეთების შეიძინეთ ბმულზე.
