წლევანდელი შესარჩევი ღონისძიება მაღალი კონკურენციით გამოირჩეოდა. პროექტში მონაწილეობის სურვილი 50-მდე ბენდმა და ინდივიდუალურმა შემსრულებელმა გამოთქვა. პირველადი სელექციის შედეგად, ჟიურიმ შოუქეისის ეტაპისთვის 18 კონკურსანტი შეარჩია.
დახურული ლაივ-შოუქეისები 13-14 ივნისს Stockton Records-ის სტუდიაში გაიმართა, სადაც მონაწილეებმა საკუთარი შემოქმედება ჟიურისა და ინდუსტრიის წარმომადგენლების წინაშე წარადგინეს.
ფოტო: Shalika Studio
შოუქეისების დასრულების შემდეგ ფინალური კონცერტისთვის 10 არტისტი შეირჩა. ფინალი CMR-ში გაიმართა, სადაც გამარჯვებულად OCD დასახელდა.
ჟიურის განცხადებით, ძლიერი კონკურენციის გამო, გადაწყვეტილების მიღება მარტივი არ ყოფილა. სწორედ ამიტომ, პროექტის ფარგლებში დამატებითი პრიზებით კიდევ ორი გამორჩეული მონაწილე დაჯილდოვდა: The Heartaches, რომელთაც ორი ტრეკის სრული სტუდიური ფროდაქშენი გადაეცათ და Friction Point, რომელთაც Abbey Road Studios-ში ალბომის მასტერინგის შესაძლებლობა მიეცემათ.
Tbilisi Newcomers-ის მთავარი მიზანი საქართველოში ალტერნატიული და ელექტრონული მუსიკალური სცენის განვითარებაა. ეს პლატფორმა ახალგაზრდა არტისტებს უნიკალურ შანსს აძლევს, საკუთარი შემოქმედება ფართო აუდიტორიას გააცნონ და ისეთი მასშტაბური ფესტივალის გამოცდილება მიიღონ, როგორიც Tbilisi Open Air-ია.
