ზურა ჯიშკარიანმა, ფსევდონიმით DillaNext, ახალი მუსიკალური ვიდეოს ფრაგმენტი გაავრცელა. ვიდეო გადაღებულია ტრეკზე, სახელწოდებით „ჸვამურიცხამ“, რომელიც არტისტის მომავალი EP-ის – „ტიტრების“ მეორე ტრეკია. როგორც მუსიკოსი წერს, ალბომში ყველა კომპოზიცია სხვადასხვა ჟანრისაა. „ტიტრები“ YouTube-ზე ერთი მთლიანი ვიდეოს სახით 27 ივნისს გამოქვეყნდება.
„ჸვამურიცხამ“ – სიტყვა ძველი მეგრული ზღაპრიდანაა და „შუბლვარსკვლავიანს“ ნიშნავს.
ზურა ჯიშკარიანი თანამედროვე ქართველი მწერალი, მუსიკოსი და მულტიმედია არტისტია. მისი მუსიკალური შემოქმედების სხვადასხვა ეტაპი არაერთ ცნობილ პროექტს მოიცავს, მათ შორის არის Kung Fu Junkie და KayaKata.
