ზურა ჯიშკარიანმა, ფსევდონიმით DillaNext, ახალი EP სახელწოდებით „ტიტრები“ წარადგინა. ალბომი 10-წუთიანი ვიზუალური ნამუშევრის სახით გამოიცა, რომლის რეჟისორი ერეკლე ხელაშვილია.
სრული EP-ის გამოცემამდე არტისტმა მასში შემავალი სინგლების ვიდეოფრაგმენტები გაავრცელა, რომლებითაც „ტიტრების“ გამოსვლა დააანონსა.
„ამ EP-ში ყველა ტრეკი სხვადასხვა ჟანრისაა, როგორც სხვადასხვაჟანრული ფილმის სხვადასხვაჟანრული მუსიკა,”– დაწერა ზურა ჯიშკარიანმა ალბომის გამოცემამდე გამოქვეყნებულ პოსტში.
ზურა ჯიშკარიანი თანამედროვე ქართველი მწერალი, მუსიკოსი და მულტიმედია არტისტია. მისი მუსიკალური შემოქმედების სხვადასხვა ეტაპი არაერთ ცნობილ პროექტს მოიცავს, მათ შორის არის Kung Fu Junkie და KayaKata.
