11 ივლისს თბილისი თავისუფალი სტილით ჭიდაობის საერთაშორისო ტურნირს უმასპინძლებს. ეს პირველი შემთხვევაა, როცა RAF (Real American Freestyle) აშშ-ის გარეთ იმართება. რაც ღონისძიებას კიდევ უფრო განსაკუთრებულ მნიშვნელობას სძენს. ტურნირი პირდაპირი ეთერით გადაიცემა Fox Nation-სა და სხვადასხვა ციფრულ პლატფორმაზე და მას მსოფლიოს მასშტაბით ასიათასობით გულშემატკივარი მიადევნებს თვალს.
ღონისძიების გახსნაზე შესრულდება საქართველოსა და აშშ-ის ეროვნული ჰიმნები. საქართველოს ჰიმნს ნატალია ქუთათელაძე, ხოლო აშშ-ის ჰიმნს ნინი აირისი შეასრულებენ.
RAF Georgia 11 ივლისს ოთარ ქორქიასა და ნოდარ ჯორჯიკიას სახელობის თბილისის სპორტის სასახლეში გაიმართება. მასში მონაწილეობას მიიღებს მსოფლიოს 24 გამორჩეული სპორტსმენი, მათ შორის არიან ოლიმპიური და მსოფლიო ჩემპიონები, საერთაშორისო ვარსკვლავები და საბრძოლო სპორტის ყველაზე ცნობილი წარმომადგენლები: მერაბ დვალიშვილი, ჰენრი სეხუდო, კაილ სნაიდერი, კაილ დეიკი, აბდულრაშიდ სადულაევი, გენო პეტრიაშვილი, გივი მაჭარაშვილი, არმან ცარუკიანი და სხვები. ტურნირის მთავარი ბრძოლა სწორედ მერაბ დვალიშვილისა და ჰენრი სეხუდოს დაპირისპირება იქნება.
ბილეთები შეიძინეთ ბმულზე
