ჰიტის Total Eclipse of the Heart შემსრულებელი ბონი ტაილერი 75 წლის ასაკში გარდაიცვალა

ბონი ტაილერი უელსში დაბადებული ერთადერთი მომღერალია, რომელიც Billboard Hot 100-ის ჩარტის სათავეში მოხვდა.
ბონი ტაილერი ევროვიზიის სიმღერის კონკურსზე, 2013 წლის 17 მაისი, მალმო, შვედეთი Ragnar Singsaas/Getty Images
ბონი ტაილერი ევროვიზიის სიმღერის კონკურსზე, 2013 წლის 17 მაისი, მალმო, შვედეთი
Ragnar Singsaas/Getty Images

1983 წლის მსოფლიო ჰიტის – Total Eclipse of the Heart შემსრულებელი ბონი ტაილერი 75 წლის ასაკში გარდაიცვალა.

ინფორმაცია მომღერლის წარმომადგენლებმა 9 ივლისს მის ოფიციალურ ფეისბუქ გვერდზე გაავრცელეს. განცხადებაში ნათქვამია, რომ ბონი ტაილერი „გუშინ ღამით, პორტუგალიის ერთ-ერთ საავადმყოფოში, მოულოდნელად გარდაიცვალა იმ დაავადების შედეგად, რომლის მკურნალობასაც გადიოდა“.

მაისში ბონი ტაილერმა ქალაქ ფარუში  ნაწლავებზე გადაუდებელი ოპერაცია ჩაიტარა, მოგვიანებით კი ექიმებმა ის ხელოვნურ კომაში გადაიყვანეს. 

უელსის ქალაქ ნითში დაბადებული მომღერლის ნამდვილი სახელი გეინორ ჰოპკინსია. მან აღიარება 1970-იანი წლების ბოლოს ბალადით It’s a Heartache მოიპოვა, ხოლო 1983 წელს მსოფლიო ვარსკვლავად იქცა ჰიტით –  Total Eclipse of the Heart.

ჯიმ სტაინმანის მიერ დაწერილი და პროდიუსირებული სიმღერა Billboard Hot 100-ის პირველ ადგილზე ოთხი კვირის განმავლობაში ლიდერობდა. ამ წარმატებით ბონი ტაილერი უელსში დაბადებული პირველი და დღემდე ერთადერთი მომღერალი გახდა, რომელიც აღნიშნული ჩარტის სათავეში მოექცა. 

სიმღერამ Total Eclipse of the Heart, რომელიც შესულია ალბომში Faster Than the Speed of Night, ბონი ტაილერს გრემის ორი ნომინაცია მოუტანა: ქალის საუკეთესო პოპისა და როკის ვოკალური შესრულების კატეგორიებში. დროთა განმავლობაში კი სიმღერა თავისი ეპოქის ერთ-ერთ ყველაზე მნიშვნელოვან მუსიკალურ ჩანაწერად იქცა.

მოგვიანებით მომღერალმა კიდევ ერთი საკულტო ჰიტი Holding Out for a Hero გამოსცა, რომელიც ფილმ Footloose-ის საუნდტრეკშია შესული.

ბონი ტაილერის გამორჩეული, ჩახლეჩილი ვოკალი, რომელიც ახალგაზრდობაში ხმის იოგებზე ჩატარებული ოპერაციის შედეგად ჩამოუყალიბდა, მისი შემოქმედების გამორჩეულ ხელწერად იქცა. 

მუსიკალური კარიერის ხუთ ათწლეულზე მეტი ხნის განმავლობაში მან  18 სტუდიური ალბომი გამოუშვა.

2013 წელს ევროვიზიის სიმღერის კონკურსზე ბრიტანეთი სიმღერით Believe in Me წარადგინა და საბოლოოდ მე-19 ადგილი დაიკავა.

2023 წელს, დედოფლის დაბადების დღის საპატიო სიაში მოხვედრის შემდეგ, ბონი ტაილერს მუსიკაში შეტანილი წვლილისთვის ბრიტანეთის იმპერიის ორდენის წევრის (MBE) საპატიო  წოდება მიენიჭა. 

ბონი ტაილერი მიმდინარე ზაფხულს ინგლისში, ქალაქ უსტერში დაგეგმილ Sunshine Festival-ზე უნდა გამოსულიყო, მას ასევე დაგეგმილი ჰქონდა რამდენიმე კონცერტი ევროპის ტურნეს ფარგლებში, 17 დეკემბერს კი უელსის დედაქალაქ კარდიფში Utilita Arena-ზე უნდა ემღერა. 

მომღერლის ბოლო სრულმასშტაბიანი კონცერტი 2026 წლის 19 მარტს, ლონდონში, O2 Shepherd’s Bush Empire-ში გაიმართა.

Share
Tweet
Share
Share
Share

Leave a Reply

წინა სტატია

RAF Georgia-ს გახსნაზე საქართველოსა და ამერიკის ჰიმნებს ნატალია ქუთათელაძე და ნინი აირისი შეასრულებენ

შემდეგი სტატია

ზაქარია ფალიაშვილის მუსიკა და კომპოზიტორ ნინო ჯანჯღავას ტრანსკრიფციები ოპერა „დაისიდან“

შეიძლება დაგაინტერესოთ

The Weeknd - Hong Kong Evan Larsen/YouTube

The Weeknd-მა სიმღერისთვის Hong Kong  შთამბეჭდავი ვიდეოკლიპი გამოუშვა

ვიდეოში აბელი (The Weeknd) კარაოკეს მღერის და ჰონგ-კონგის ქუჩებში საკუთარ ფიქრებში ჩაძირული სეირნობს. კლიპში Cantopop-ის ლეგენდა ფეი ვონგი და ჩინელი სუპერმოდელი მინგ სი მონაწილეობენ.
მეტი
Red Bull Turn It Up - Tropic Ananana

Tropic Ananana – მუსიკა, იმპროვიზაცია და ბევრი გართობა Red Bull Turn It Up-ზე

„ჩემგან მხოლოდ ერთ რამეს უნდა ელოდოთ - ბევრ გართობას, ნაცნობ, საყვარელ მუსიკას და დასამახსოვრებელ საღამოს! მინდა, ყველამ მაქსიმალურად ისიამოვნოს ამ პროცესით. ზედმეტი სერიოზულობის გარეშე - Let's have fun“ - Tropic Ananana
მეტი
სტუდია „ფანტასმაგორია“ ანიმაციური ფილმი - „ელენე დარიანი“

„ფანტასმაგორიას“ ანიმაციური ფილმი „ელენე დარიანი“ Arte Laguna Prize-ის მთავარი გამარჯვებულია

ფილმში მე-20 საუკუნის ეპოქის დამახასიათებელი ქართული მუსიკალური ნაწარმოებებია გამოყენებული, რომელიც ანიმაციის ემოციურ და პოეტურ ატმოსფეროს განსაზღვრავს.
მეტი

2027 წლის გრემის ნომინაციების საბოლოო პროგნოზი: წლის ჩანაწერი და წლის სიმღერა

რეკორდული წარმატების მქონე ჰიტს ორივე ჯილდოს მოპოვება შეუძლია, თუ მის უზარმაზარ პოპულარობას საპასუხოდ კრიტიკის ტალღა არ მოჰყვა.
მეტი
ნოელ და ლიამ გალაგერები ფილმის - Oasis: Don’t Look Back in Anger-ის პრემიერა, ვენეციის 83-ე საერთაშორისო კინოფესტივალი, 2026 წლის 5 სექტემბერი, ვენეცია Earl Gibson III/Deadline

როგორც ჩანს, Oasis როკ-ენ-როლის დიდების დარბაზში შეყვანის ცერემონიას არ დაესწრება

ნოელ გალაგერს ლონდონში კონცერტი აქვს დაგეგმილი, ლიამ გალაგერის თქმით კი, საშობაო პერიოდთან სიახლოვის გამო მოგზაურობა არ სურს.
მეტი

Red Bull Turn It Up პირველად საქართველოში – მუსიკალური შეჯიბრება 14 ნოემბერს გაიმართება

Red Bull Turn It Up-ის ღონისძიება ბეთლის ფორმატში ჩატარდება, გამარჯვებული კი 2027 წელს დუბლინში დაგეგმილ მსოფლიო ფინალში მიიღებს მონაწილეობას.
მეტი