VAQO-ს და ალექსანდრე ხარანაულის კოლაბორაცია – „სულის ლომბარდი“

„სულის ლომბარდი“ ჩვენი დროის მისტიკური იგავია, რომელიც ერთი პერსონაჟის ამბის მიღმა ბევრისთვის ნაცნობ სოციალურ რეალობას ასახავს.
Aleksandre Kharanauli & Vaqo -„სულის ლომბარდი"
Aleksandre Kharanauli & Vaqo -„სულის ლომბარდი”

ქართულ მუსიკალურ სცენას კიდევ ერთი საინტერესო კოლაბორაცია შეემატა. მუსიკოსებმა VAQO-მ (ვახტანგ ქანთარია) და ალექსანდრე ხარანაულმა ერთობლივი ნამუშევარი – „სულის ლომბარდი“ წარადგინეს. კომპოზიცია, რომელსაც თავდაპირველად „სად გავყიდო სული“ ერქვა, ქართული ზღაპრის არქეტიპებს თანამედროვე საქართველოს სოციალურ რეალობასთან აკავშირებს და ერთგვარ მუსიკალურ იგავად აქცევს.

„სიმღერის იდეა იმ ზღაპრულ მოტივს ეფუძნება, სადაც მთავარი გმირი გამოუვალ მდგომარეობაში საკუთარ სულს ეშმაკს ან სხვა მითიურ არსებას მიჰყიდის. სული აქ ადამიანის ყველაზე ძვირფას საბოძვარს, მისი ცხოვრებისა და სიცოცხლის მთავარ არსს წარმოადგენს, მისი დათმობა კი გამოუვალი მდგომარეობიდან თავის დაღწევის უკანასკნელი გზაა.“ – ამბობს მუსიკოსი ალექსანდრე ხარანაული.

ალექსანდრე ხარანაული <br> ფოტო: Vaqo
ალექსანდრე ხარანაული
ფოტო: Vaqo

„სულის ლომბარდის“ სიუჟეტი XXI საუკუნის საქართველოში ვითარდება, როცა მისტიკური ნარატივი რეალობაში პოულობს ასახვას.

„სულის ლომბარდის“ ისტორია 2024 წლის მეორე ნახევარში დაიწყო, როდესაც ალექსანდრე ხარანაულმა VAQO-ს ახალი სიმღერის ჩაწერაში დახმარება სთხოვა. მაშინ ვახტანგ ქანთარია ერთ-ერთ რადიოპროექტზე მუშაობდა და სტუდიაში დიდ დროს ატარებდა.

როგორც VAQO იხსენებს, სწორედ ჩაწერის პირველივე დღეს მიხვდა, რომ საქმე განსაკუთრებულ კომპოზიციასთან ჰქონდა:

„ალექსანდრეს აქამდე მხოლოდ აკუსტიკური გიტარისტის ამპლუაში ვიცნობდი. როდესაც სტუდიაში კლავიშთან დაჯდა, ჩემთვის ეს დიდი აღმოჩენა იყო. ისეთი განცდა მქონდა, თითქოს კინოფილმის საუნდტრეკს ვუსმენდი, ძალიან კინემატოგრაფიული, ემოციური და შემტევი მუსიკა იყო.“ – VAQO.

VAQO - ვახტანგ ქანთარია ფოტო: გიო მაჭავარიანი
VAQO – ვახტანგ ქანთარია
ფოტო: გიო მაჭავარიანი

ჩაწერის პროცესში სრულიად შემთხვევით დაიბადა სიმღერის ერთ-ერთი ყველაზე მნიშვნელოვანი დეტალიც. როგორც VAQO იხსენებს, მორიგ ვოკალურ დუბლზე მუშაობისას მიკროფონის პარამეტრების შეცვლამ ალექსანდრეს ხმას განსხვავებული სიღრმე შესძინა და სწორედ ეს ჩანაწერი დარჩა საბოლოო ვერსიაში.

თავდაპირველად ჩანაფიქრი მხოლოდ პიანინოსა და ვოკალის ჩაწერა იყო, თუმცა სტუდიაში ახალი იდეაც გაჩნდა, რომ სიმღერა დუეტად ექციათ.

„სახლში რომ მოვუსმინე მხოლოდ პიანინოსა და ვოკალის ჩანაწერს, მალევე მივხვდი, როგორი არანჟირება სჭირდებოდა. დავამატე დასარტყამები, ბას-გიტარა, ელექტრო გიტარები, ბანჯო, ვერმონას ორღანი, სინთეზატორი და ბოლოს ჩემი ვოკალიც. რამდენიმე დღეში უკვე დასრულებული ვერსია გვქონდა.“ – ამბობს VAQO.

ჩაწერის პროცესს მუსიკოსი ალექსანდრე ხარანაულიც იხსენებს:

„აღარ მახსოვს, რა ფორმით, მაგრამ ვაქოსთან ალბათ დავიწუწუნე, ჩაწერას ვერ ვახერხებ მეთქი. მითხრა, მოდი, ჩაგაწერინებო. მუშაობა რომ დავიწყეთ, იქვე გაჩნდა აზრი, რომ თვითონაც ჩართულიყო. მე მარტო პიანინო და ვოკალი ჩავწერე და სიმღერა იყო ჩემი. ყველა  დანარჩენი ინსტრუმენტები ვაქომ ჩაწერა, დაადო, დამიქსა და ის გამოვიდა, რაც გამოვიდა.“

VAQO: „ერთ დღეს, თვეების შემდეგ, Google Drive-იდან სიმღერა ისევ გადმოვიწერე და ვფიქრობდი, როგორ შეიძლებოდა ასეთი კარგი კომპოზიცია უპატრონოდ დარჩენილიყო. დაახლოებით ორ საათში ალექსანდრესგან შეტყობინება მივიღე: „ხომ არ დაგვედო ჩვენი სიმღერა?“ იმ დამთხვევამ გვაგრძნობინა, რომ დრო მოვიდა.“

რაც შეეხება ვიდეოკლიპს, არტისტებმა საბოლოო არჩევანი სიმარტივესა და ავთენტურობაზე შეაჩერეს.

VAQO: „კლიპის იდეა თეატრ „ჰარაკში” გაჩნდა, რამდენიმე დღით ადრე ჩემს კონცერტამდე. რაკი ვიცოდი, სცენა გვექნებოდა, გადავწყვიტეთ, შეგვენარჩუნებინა უბრალოება, მუსიკოსები, ინსტრუმენტები და ცოცხალი შესრულების ატმოსფერო. ასეთი ვიზუალი ყოველთვის უფრო ახლოს იყო ჩემთან, ვიდრე სიუჟეტური კლიპები. ოპერატორი ნიკოლოზ თაბუკაშვილი იყო, ხოლო მონტაჟი ნოდარ ნოზაძემ გააკეთა, მათთან ერთად „ჰარაკსაც” განსაკუთრებულ მადლობას ვუხდი.

ალექსანდრეს აქვს უბადლო ნიჭი, აკუსტიკურ გიტარაზე შექმნას საგიტარო ჩუქურთმები, ე.წ. რიფები. ახლა უკვე ცხადია, ეს კლავიშზეც მშვენივრად გამოსდის, მის საავტორო ხმასთან ერთად, მძლავრი, შევსებული ბასი, გარდამავალი ბგერებით, აი, თითქოს ლუდის დალევის შემდეგ რომ უბოხდებათ, ან მსგავსი…“

ალექსანდრე ხარანაულის თქმით, „სულის ლომბარდი“ ჩვენი დროის მისტიკური იგავია, რომელიც ერთი პერსონაჟის ამბის მიღმა ბევრისთვის ნაცნობ სოციალურ რეალობას ასახავს. 

„სიმღერა თანამედროვე ზღაპარია ადამიანზე, რომელიც მძიმე მდგომარეობაში აღმოჩნდა, სამსახური დაკარგა, ვალებშია ჩაფლული, თამაშობს და მზად არის, ფულის სანაცვლოდ სული გაყიდოს. სწორედ ამ აზრის შემდეგ იწყება მისი გზა, დანარჩენი კი უკვე სიმღერის ტექსტშია.“ – ალექსანდრე ხარანაული.

VAQO-ს შეფასებით, კომპოზიცია დროთა განმავლობაში ჩვეულებრივ მუსიკალურ ნამუშევარს გასცდა და შემოქმედებითი ურთიერთობის სიმბოლოდ იქცა:

„მგონია, რომ „სულის ლომბარდი“ მხოლოდ სიმღერა აღარ არის. ეს შემოქმედებითი ნდობის ისტორიაა და იმ მოგონებების ნაწილი, რომლებიც დროთა განმავლობაში სულ უფრო ძვირფასი ხდება.“ – VAQO.

„სულის ლომბარდის“ მუსიკისა და ტექსტის ავტორი ალექსანდრე ხარანაულია, დამატებითი მუსიკალური და ტექსტობრივი ნაწილები, არანჟირება, პროდიუსინგი, მიქსინგი და მასტერინგი კი ვახტანგ ქანთარიას (VAQO) ეკუთვნის.

ჩანაწერზე ასევე მუშაობდა თამაზ კანდელაკი. ვიდეოს ავტორია ნიკოლოზ თაბუკაშვილი, მონტაჟი ნოდარ ნოზაძეს ეკუთვნის, გადაღებების ორგანიზებაში კი მონაწილეობდნენ საბა ფადიურაშვილი, გიორგი ტეცოშვილი, სანდრო შერაზადაშვილი და აჩი არღანაშვილი. გადაღებები თეატრ „ჰარაკში“ გაიმართა. 

„სულის ლომბარდი“ ერთგვარი თანამედროვე ქართული ზღაპარია, რომელიც სოციალური პრობლემების ფონზე ადამიანის ყველაზე ძვირფასი ფასეულობის მნიშვნელობას ახლებურად წარმოგვიჩენს.

მოუსმინეთ ალექსანდრე ხარანაულისა და VAQO-ს ერთობლივ სიმღრას – „სულის ლობარდი”

Share
Tweet
Share
Share
Share

Leave a Reply

წინა სტატია

Anana Kaye

Anana Kaye ახალ სინგლსა და ვიდეორგოლს Cross the Water აქვეყნებს

შემდეგი სტატია

Beck - 2025 წლის როკ-ენ-როლის დიდების დარბაზში შეყვანის ცერემონიაზე Peacock Theater-ში, 2025 წლის 8 ნოემბერი, ლოს-ანჯელესი, კალიფორნია. GILBERT FLORES/BILLBOARD

Beck  შვიდწლიანი პაუზის შემდეგ ახალ ალბომს, Ride Lonesome-ს აანონსებს და სინგლ In the Night-ის ვიდეორგოლს აქვეყნებს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი