30 ივლისს საქართველოში კონცერტს Moby გამართავს. ახლახან კი ცნობილი გახდა, რომ კონცერტზე მისულ სტუმრებს ადგილზე Circus Mircus-იც დახვდებათ. ქართული ბენდი მსმენელის წინაშე ამერიკელი ვარსკვლავის გამოსვლამდე წარდგება.
Circus Mircus 2020 წელს შეიქმნა. 2022 წელს ჯგუფმა საქართველო ევროვიზიის სიმღერის კონკურსზე წარადგინა, სიმღერით Lock me in, რის შემდეგაც სადებიუტო ალბომი Furore/Fiasco გამოსცა.
მათი სიმღერები Weather Support, 23:34 და Rocha ნომინირებული იყო Electronauts Award-ის საუკეთესო მუსიკალური ვიდეოს კატეგორიაში.
Moby საქართველოს პირველად, Moby Live 26 ტურნეს ფარგლებში ეწვევა და კონცერტს რუსთავის საერთაშორისო ავტოდრომზე გამართავს. ღონისძიების ორგანიზატორია Flitz Collective.
ბილეთების შეძენა შეგიძლიათ ბმულზე.
