ბიონსე სიურპრიზებითაა სავსე. Morning Dew (Donk)-ის გამოცემიდან რამდენიმე კვირაში მან ფანები მისი რემიქს ალბომის გამოცემით გააკვირვა – ოთხსიმღერიანი EP-ის, რომელშიც ჯეი-ზიც მონაწილეობს.
ჩანაწერი 5 აგვისტოს დილას გამოვიდა. ინფორმაცია მომღერლის ფანებმა Parkwood Entertainment-ის სოციალური ქსელის მეშვეობით შეიტყვეს.
ბიონსეს, ფარელ უილიამსის, The-Dream-ისა და დარიუს დიქსონის მიერ შექმნილი Morning Dew (Donk) 4 ივლისს გამოვიდა. სიმღერის ოფიციალურმა რელიზმა ბოლო წლებში გაჟონილი დემოვერსიების სერია დაასრულა.
რემიქს ჩანაწერში ჯეი-ზი სიმღერას თავის რეპს ამატებს. მისი ვოკალი ასევე ისმის აკუსტიკურ ვერსიაშიც.
Morning Dew (Donk) მე-7 ადგილზე გავიდა „ბილბორდის” R&B/ჰიპ-ჰოპ სიმღერების ჩარტში, რითაც ბიონსე სამი წლის შემდეგ პირველად დაბრუნდა ჩარტის ტოპ ათეულში. სიმღერამ ასევე Billboard Hot 100-ის 26-ე პოზიცია დაიკავა და ტოპ 40-ში შესული 61-ე ნამუშევარი გახდა.
გავრცელებული ინფორმაციით, Morning Dew 2013 წელს ჩაიწერა. 2021 წელს მისმა ფრაგმენტმა გაჟონა, ორი წლის შემდეგ კი ინტერნეტში სრული ვერსიაც გავრცელდა და „ტიკტოკ” ტრენდადაც კი იქცა.
Morning Dew შევა ბიონსეს მეორე ალბომის, B’Day-ს 20 წლის საიუბილეო, დელუქს გამოცემაში. ალბომი, რომელიც 2006 წლის სეტემბერში გამოვიდა, Billboard 200-ის ლიდერი გახდა და წარმოშვა ჰიტი Irreplaceable, რომელმაც 2007 წლის ბოლო Hot 100-ის პირველი პოზიცია მოიპოვა. ალბომში ასევე შედის Beautiful Liar შაკირასთან ერთად, Deja Vu ჯეი-ზისთან ერთად და Ring the Alarm.
მოუსმინეთ Morning Dew (Donk)-ის რემიქს კოლექციას:
