Tamada ჯეგე სახოკიასთან ერთად ახალ მეგრულ ტრეკს „ბჟა დო თუთას“ წარმოგვიდგენს. „ჩვენებურებიდან“ ცნობილი მუსიკოსის მოწვევით შექმნილი კომპოზიცია არტისტის ახალი კოლაბორაციაა, რომელიც მეგრულ ენაზე შესრულებულ მუსიკას თანამედროვე ჟღერადობას უკავშირებს.
კომპოზიცია პოეტ ზეინაბ სარიას ლექსზე შეიქმნა. როგორც არტისტი სიმღერის Youtube აღწერაში აღნიშნავს, ტექსტი იმდენად ორგანულად მოერგო მუსიკალურ განწყობას, რომ ახალი ლექსის დაწერის საჭიროება აღარ გაჩენილა.
„ამჯერად „ჩვენებურებიდან“ ჯეგე სახოკია ვისტუმრე და ასე გემრიელადაც დავაბინავეთ ახალი მეგრული ტრეკი. არაჩვეულებრივი ქალბატონი ზეინაბ სარიას ლექსი ისე მოუხდა, ახლის დაწერის განზრახვაც კი ჩაგვიკლა. რა თქმა უნდა, პირველ რიგში მეგრელების ემოციებს ველი 🙂 ქუგუმორძგუან!“ – წერს Tamada სიმღერის Youtube აღწერაში.
„ბჟა დო თუთა“ ლეიბლ deepdouqan records-ის საშუალებით გამოიცა, სიმღერის მასტერინგზე Monkyman-მა იმუშავა, ვიდეო კი სანდრო ცომაიას ეკუთვნის.
ახალი კომპოზიცია უკვე ყველა მუსიკალურ პლატფორმაზეა ხელმისაწვდომი.
მოუსმინეთ „ბჟა დო თუთას“ YouTube-ზე:
