ლანა დელ რეიმ და ზაქ ბრაიანმა ერთობლივი სიმღერა ჩაწერეს. 13 სექტემბერს დელ რეიმ ინსტაგრამზე ფოტოების სერია გააზიარა, რომელშიც ჩაწერის პროცესია ასახული. პოსტი იწყება ვიდეოთი, რომელშიც ბრაიანი სტუდიაში დადის. ვიდეოში ჩანს სტუდიის კედლებზე დაკიდებული ვეშაპის ნახატები. პოსტში გაერთიანებულია ლანას, ბრაიანისა და დელ რეის მეუღლის, ჯერემი დუფრენის ერთობლივი ფოტოები.
ლანა დელ რეის სიმღერის ოფიციალური სახელწოდება არ გაუმხელია. პოსტში მომღერალი ბრაიანს მადლობას უხდის. დელ რეიმ ასევე აღნიშნა მელინდა და დაგი, რომლებსაც „შთამაგონებელი ადამიანები“ უწოდა და მადლობა გადაუხადა დახმარებისთვის. მელინდა და დაგ კირკპატრიკები მასაჩუსეტსელი ხელოვანები არიან.
ფანები ვარაუდობენ, რომ პროექტის ცენტრალური ხაზი ვეშაპებთან არის დაკავშირებული.
ინსტაგრამის ეს პოსტი ფანებს საშუალებას აძლევს, თვალი ადევნონ ლანას შემოქმედებით პროცესს, სანამ ის ახალ ქანთრი ჟღერადობის ალბომზე მუშაობს. მომღერალი ამ პროექტს 2024 წლის იანვრიდან აანონსებს. ამავე ზაფხულს მან აღნიშნა, რომ ალბომი უკვე კარგა ხანია, მზადაა, თუმცა პარალელურად მის თანმდევ პროექტზე მუშაობდა.
ზაქ ბრაიანისთვის ეს სინგლი კიდევ ერთი მნიშვნელოვანი კოლაბორაცია იქნება. წარსულში მან სიმღერები ჩაწერა ისეთ არტისტებთან ერთად, როგორებიც არიან ბრიუს სპრინგსტინი, ნოა კაჰანი, ქეისი მასგრეივსი და ჯონ მაიერი.
ბრაიანისა და დელ რეის გზები ადრეც გადაკვეთილა: 2024 წელს ორივე მათგანი ალაბამას Hangout Music Festival-ის ჰედლაინერი იყო, მომდევნო წელს კი Stagecoach-ზე გამოვიდნენ. გარდა ამისა, ბრაიანს წარსულში ლანას ჰიტის, – Video Games-ის აკუსტიკური ქავერიც აქვს ჩაწერილი.
ნახეთ ლანა დელ რეის ინსტაგრამის პოსტი:
