ლოს-ანჯელესში Victoria’s Secret-ის 2026 წლის შოუ ჩატარდა. წლევანდელი ღონისძიება ტრადიციულად ცოცხალი მუსიკით გაფორმდა, სადაც ყველა მონაწილე მომღერალი ქალი იყო. პროგრამამ პოპის, ჰიპ-ჰოპის, ქანთრისა და K-Pop-ის ნომრები გააერთიანა.
სცენაზე გამოვიდნენ გლობალური მუსიკალური ინდუსტრიის გამორჩეული არტისტები. მათ შორის იყო Megan Thee Stallion, რომელმაც თავისი ჰიტები – Her და Body შეასრულა. მუსიკალური გაფორმების ერთ-ერთი ყველაზე ვირუსული მომენტი შექმნა თანამედროვე პოპის ვარსკვლავმა ტეიტ მაკრეიმ. შემსრულებლებს შორის ასევე იყვნენ ჯგუფი KATSEYE და ქანთრი მუსიკის წარმომადგენელი მეგან მორონი.
Victoria’s Secret Fashion Show
რაც შეეხება მოდელებს, წელს სამოდელო შემადგენლობა აერთიანებდა როგორც ლეგენდარულ „ანგელოზებს“, ისე პოდიუმის ახალ სახეებსა და პოპკულტურის ცნობილ ვარსკვლავებს. პოდიუმზე გამოჩნდნენ ადრიანა ლიმა, ალესანდრა ამბროსიო, ბელა ჰადიდი, კანდის სვანეპული, ჯიჯი ჰადიდი და ანოკ იაი. Victoria’s Secret-ის 2026 წლის შოუზე გამოვიდა ქართველი მოდელი მატილდა გვარლიანიც, რომლის გამოჩენისას პოდიუმზე 2000-იანების ცნობილი მომღერლის, Aaliyah-ის ჰიტი – Try Again გაჟღერდა.
Victoria’s Secret Fashion Show
შოუს მთავარი მომენტი კაილი ჯენერის გამოჩენა იყო, რომელმაც 2026 წლის Victoria’s Secret-ის შოუზე ისტორიული და წარმოუდგენლად ძვირადღირებული Fantasy Bra მოირგო, რომლის ღირებულებაც 22 მილიონი დოლარია.
Victoria’s Secret Fashion Show
Victoria’s Secret Fashion Show მსოფლიოში ერთ-ერთი ყველაზე მასშტაბური და სანახაობრივი მოდის შოუა, რომელიც ბრენდმა პირველად 1995 წელს გამართა. წლების განმავლობაში Victoria’s Secret-ის სცენა მუსიკალური ინდუსტრიის ყველაზე დიდმა ვარსკვლავებმა გააფორმეს. მათ შორის იყვნენ: რიანა, ტეილორ სვიფტი, კანიე უესტი, ჯასტინ ბიბერი, The Weeknd და სხვები.
