დაჯილდოების ცერემონიაზე როსალია ესპანეთში მომხდარ სარკინიგზო ავარიას გამოეხმაურა

„სამძიმარს ვუცხადებ ყველა იმ ადამიანს, ვინც ჩემს ქვეყანაში ცოტა ხნის წინ მომხდარი უბედური შემთხვევის შედეგად დაზარალდა,” – განაცხადა მომღერალმა.
როსალია 2026 წლის Billboard Latin Music Awards-ზე
ALEXANDER TAMARGO/TELEMUNDO VIA GETTY IMAGES

როსალიამ WSJ. Magazine-ის ინოვატორების დაჯილდოების ცერემონიის სცენა გამოიყენა, რათა პატივი მიეგო ესპანეთში მომხდარი სარკინიგზო კატასტროფის შედეგად დაღუპულთა ხსოვნისთვის.

მომღერლის სამშობლოში სამდღიანი გლოვა გამოცხადდა მას შემდეგ, რაც მაღალსიჩქარიანი მატარებლების შეჯახების შედეგად 69 ადამიანი დაიღუპა. ესპანეთში მიმდინარე წელს ეს უკვე მეორე მსგავსი შემთხვევაა.

„სამძიმარს ვუცხადებ ყველა ადამიანს, ვინც ჩემს ქვეყანაში ცოტა ხნის წინ მომხდარი უბედური შემთხვევის შედეგად დაზარალდა,” – თქვა მომღერალმა ნიუ-იორკის MoMA-ში გამართულ ღონისძიებაზე ესპანურად. „სარკინიგზო ავარია მოხდა, რასაც ბევრი ადამიანის სიცოცხლე ემსხვერპლა. მსურს, ჩემი სიყვარული და მხარდაჭერა გადავცე ყველა იმ ადამიანს, ვისაც ეს ტრაგედია შეეხო.”

უბედური შემთხვევა, რომელიც ევროპაში საუკუნის ერთ-ერთ ყველაზე მძიმე სარკინიგზო კატასტროფად იქცა, 28 ოქტომბერს ესპანეთის ცენტრალურ რეგიონში, კასტილია ლა მანჩაში მოხდა. ქვეყნის პრემიერ-მინისტრმა პედრო სანჩესმა მისი სრულფასოვანი გამოძიების პირობა დადო. 

„ჩვენ დღე და ღამე ვმუშაობთ არა მხოლოდ იმისთვის, რომ დაზარალებულთა ოჯახებს დავეხმაროთ, არამედ იმისთვისაც, რომ ამ ტრაგედიის ყველა დეტალი დავადგინოთ და უსაფრთხოების ზომები გავაძლიეროთ, რათა მსგავსი შემთხვევა აღარასდროს განმეორდეს“, – განუცხადა მან ჟურნალისტებს.

2011 წელს დაარსებული WSJ. Magazine-ის ინოვატორების დაჯილდოება სხვადასხვა სფეროს გამორჩეულ და ნოვატორ ადამიანებს აერთიანებს. მათ შორის არიან მოდის, ხელოვნების, ლიტერატურის, გასართობი ინდუსტრიის, არქიტექტურის, დიზაინის, ტექნოლოგიების, მუსიკის, ქველმოქმედებისა და კულინარიის წარმომადგენლები.

კატალონიელი როსალია წლევანდელ ცერემონიაზე წლის მუსიკალურ ინოვატორად დასახელდა. ეს აღიარება მან Billboard Latin Music Awards-ზე რამდენიმე ჯილდოს, მათ შორის Billboard Hall of Fame-ის მიღებიდან სულ რამდენიმე დღეში მოიპოვა.

მისი ბოლო, 2025 წელს გამოცემული პროექტით LUX, როსალიამ პირველად დაიკავა ადგილი Billboard 200-ის ტოპ ათეულში და მეოთხე პოზიცია მოიპოვა. ალბომი მომღერლის ყველაზე ამბიციურ ნამუშევრად მიიჩნევა და 13 ენაზე შესრულებულ სიმღერებს აერთიანებს. პროექტი „ბილბორდის” ხუთ ჩარტში ლიდერობდა. ცოტა ხნის წინ მომღერალმა LUX-ის მხარდასაჭერი ტურნეც დაასრულა, რომლის ფარგლებშიც 57 სრულად გაყიდული კოცერტი გამართა. 

დაჯილდოების ცერემონიის სტუმრებს შორის ასევე იყვნენ: დუა ლიპა, Ciara, კარა დელევინი და A$AP Rocky.

Share
Tweet
Share
Share
Share

Leave a Reply

წინა სტატია

დევიდ ბოუის აქამდე უცნობი, 1978 წლის საკონცერტო ფილმი Stage არენებზე წარსადგენად ემზადება

შემდეგი სტატია

System of a Down ვიდეოკლიპის გადაღებაზე. 2001 წლის 6 აგვისტო, ჰოლივუდი L. Cohen/WireImage

იყო თუ არა System of a Down 11 სექტემბრის მოვლენების თანმდევი მუსიკალური ხმა (პოდკასტი: Greatest Pop Stars)

შეიძლება დაგაინტერესოთ

LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი

როგორ ჟღერდა 1998 წელი? თვალი გადავავლოთ წელს, რომელმაც პოპმუსიკა შეცვალა

ჰიპ-ჰოპის მზარდი გავლენიდან ბიჭების მუსიკალური ჯგუფების ბუმამდე – 1998 წელი მუსიკალური გარდაქმნების პერიოდი იყო, რომელმაც საფუძველი ჩაუყარა ახალი ათასწლეულის მუსიკალურ ჟღერადობას.
მეტი
ფილ კოლინზი სცენაზე სიტყვით გამოდის 2026 წლის როკ-ენ-როლის დიდების დარბაზის ცერემონიაზე, 14 ნოემბერი, ლოს-ანჯელესი, Peacock Theater.

ფილ კოლინზმა როკ-ენ-როლის დიდების დარბაზში შეკრებილ პუბლიკას მიმართა: „ჩემზე ჯერ ყველაფერი არ გსმენიათ“

14 ნოემბერს ფილ კოლინზი როკ-ენ-როლის დიდების დარბაზში სოლო არტისტის სტატუსით წარადგინეს. სამადლობელი სიტყვით გამოსვლისას კი მუსიკოსმა აღნიშნა, რომ…
მეტი