ლილი-როუზ დეპი The Idol-ის პრემიერისთვის ემზადება. მანამდე კი გულშემატკივრებს იმ პოპვარსკვლავების ვინაობას უმხელს, რომლებმაც როლისთვის შთაგონება მისცეს.
„რა თქმა უნდა, მე ბრიტნი სპირსის ფანი ვარ! ვის არ უყვარს ბრიტნი? თუმცა როლის თამაშისას ასევე ვფიქრობდი ბიონსეზე, მერაია ქერიზე და ჩვენი დროის ყველა დიდ პოპვარსკვლავზე. მე მინდოდა, რომ ჯოსელინი ისეთი ქალი ყოფილიყო, რომელიც არასდროს ერიდება კაშკაშს.”
სერიალში როლი დეპმა სიმღერის Fever აკაპელას შესრულებით დაიმსახურა. ეს კი SoFi სტადიონზე 70 000 მაყურებლის წინაშე The Weeknd-ის კონცერტზე მოხდა.
„ნერვიულობისგან ვკვდებოდი,” – თქვა შემდგომ მსახიობმა. „ყველა ჩემს მფარველ ანგელოზს ვევედრებოდი. ვიცოდი, რომ მხოლოდ ორი დუბლი გვქონდა. ისეთი გრძნობა მქონდა, რომ ჩემს ქორწილში მივდიოდი – სულ თეთრებში ვიყავი გამოწყობილი!” საბოლოოდ მან დავალებას თავი წარმატებით გაართვა და შემდეგ აღიარა: „თურმე მიჩვევა იცის. სცენიდან გამოსვლა აღარ მინდოდა.”
The Weeknd, რომელიც The Idol-ის კონცეფციის ავტორია, ასევე თამაშობს მუსიკალურ დრამაში. სერიალის პირველი სეზონის პრემიერა 4 ივნისს შედგება.
