კორტნი ლავი რობ ჰარვილას პოდკასტის სტუმარი იყო. „60 სიმღერა, რომელიც 90-იან წლებს განსაზღვრავს“ – ასე ჰქვია პოდკასტების სერიას, რომელიც მსმენელს სხვადასხვა ცნობილი ტრეკის ისტორიას უყვება. პოდკასტის მსვლელობისას კორტნი ლავმა თქვა, რომ ტექსტის ნაწილი, რომელიც კურტ კობეინმა 1991 წლის სიმღერაში სახელწოდებით Smells Like Teen Spirit არ გამოიყენა, მეტად კომპლექსური იყო.
კორტნი ლავმა აღნიშნა, რომ რამდენიმე სტრიქონს დღის სინათლე არასდროს უნახავს. ამის შემდეგ პოდკასტის წამყვანმა ჰარვილამ სტუმარს სთხოვა, რომ სიმღერა ამ ტექსტით შეესრულებინა, რაზეც ლავი დასთანხმდა. როგორც მან აღნიშნა, ტექსტის დიდი ნაწილი ჩანახატის სახეს ატარებს და სამუშაო ვერსიაა.
კორტნი ლავის თქმით, გამოყენებული ტექსტი ალტერნატიულ სამყაროს აღწერს. ეს ერთდროულად არის გარიყულ თინეიჯერებზე და პოპულარობაზე.
პოდკასტში საუბარი ასევე შეეხო ბევრ ისეთ ისტორიას, რომელიც საზოგადოებისათვის უცნობია. ლავმა გაიხსენა კურტ კობეინის დაპირისპირება Pearl Jam-ის ედი ვედერთან. ლავმა გაამხილა, რომ როდესაც ორსულად იყო, კობეინი Pearl Jam-ის ტრეკის – Jeremy-ის მოსმენის უფლებას არ აძლევდა.
მოუსმინეთ პოდკასტის სრულ ეპიზოდს:
