კანიე უესტის თქმით, ახალი ალბომის გამოცემამდე სრულ გაბანკროტებას ორი თვე აშორებდა

„ბოიკოტის მიუხედავად, ჩვენ გადავრჩით” – თქვა რეპერმა ინტერვიუში.
ფოტო: ვიქტორ ბოიკო/Kenzo/Getty Images

კანიე უესტის და Ty Dolla $ign-ის ერთობლივი მუსიკალური ალბომი – Vultures 1 უკვე მსოფლიო მასშტაბით ხელმისაწვდომია და მისი მოსმენა სტრიმინგ პლატფორმებზეა შესაძლებელი. მიუხედავად ალბომის ამჟამინდელი აქტუალობისა, როგორც აღმოჩნდა, არც ისე დიდი ხნის წინ უესტის ფინანსური მდგომარეობა ურთულესი იყო. გამოცემა TMZ-მ „სუპერ თასის” ფინალური შოუს შემდეგ კანიესთან გასაუბრება შეძლო. სწორედ ამ დროს განაცხადა რეპერმა, რომ ალბომის გამოცემამდე სრულ გაკოტრებას რამდენიმე თვე აშორებდა. 

„გულახდილად გეტყვით – ორი თვე მქონდა დარჩენილი გაკოტრებამდე. ყველაფერი, რაც მქონდა, ამაში [ალბომში] ჩავდე და იტალიაში გადავედით”, – გაამხილა კანიემ. „ჩვენ გადავრჩით, ბოიკოტის მიუხედავად” – თქვა მუსიკოსმა და აღნიშნა, რომ ეს ალბომი მისი წარმატებული დაბრუნებაა. 

Vultures 1 კანიე უესტის პირველი პროექტია მას შემდეგ, რაც ის სიძულვილის ენისა  და ანტისემიტიზმის გამო სკანდალში გაეხვა. ამ მოვლენების შედეგად უესტი სოციალურ ქსელშიც კი დაიბლოკა, Adidas-მა კი მას კონტრაქტი გაუწყვიტა. ამ მოვლენების შემდეგ ბიზნეს ჟურნალმა  Forbes-მა დაწერა, რომ უესტის სახელი მილიარდერების სიას ჩამოშორდა. 

„ეს წინააღმდეგობის გაწევა არ ყოფილა, ეს იმის ხმამაღალი გამოხატვა იყო, თუ როგორ ვგრძნობდი თავს”, – განმარტა უესტმა. – „რომ არა ჩემი მრავალმხრივი უნარები მუსიკასა და მოდაში, რომ არა ფანების დიდი აუდიტორია, მარტივად გამანადგურებდნენ. თუმცა, რადგან ეს ყველაფერი გვქონდა, ახლა აქ ვარ და ბრძოლა შემიძლია. მიყვარს ის ხალხი, ვინც მხარს მიჭერდა.” – თქვა კანიე უესტმა. 

რაც შეეხება ალბომს Vultures 1, მსმენელის რჩეული გახდა სიმღერა Carnival. Billboard-ის კონკრეტული ალბომის სიმღერების სარეიტინგო სიაში, ეს ტრეკი პირველ ადგილზეა. Carnival ლიდერობს სტრიმინგ სერვის Spotify-ის გლობალურ ჩარტშიც. 19 თებერვლის კვირაში Billboard 200-ის ჩარტიც განახლდება, რომელშიც Vultures შესაძლოა ლიდერ პოზიციაზე აღმოჩნდეს.

ნახეთ TMZ-ის სრული ინტერვიუ კანიე უესტთან:

Share
Tweet
Share
Share
Share

წინა სტატია

Sexy Bicycle

Sexy Bicycle-ის ახალი სიმღერა – Keep On

შემდეგი სტატია

რობერტ პლანტი და ალისონ კრაუსი, ფოტო: ალის გაფკიენი

რობერტ პლანტი და ალისონ კრაუსი 2024 წელს ერთობლივი ტურნეთი ბრუნდებიან

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი