მუსიკალური ფესტივალი Tbilisi Open Air ბრუნდება. ორგანიზატორებმა სოციალურ ქსელში იმ შემსრულებლების სია გაავრცელეს, რომლებიც 2024 წელს გამოვნელ სცენაზე. Tbilisi Open Air 2024 21-22-23 ივნისს გაიმართება. მსმენელის წინაშე წელს პირველად ბრიტანელი არტისტი M.I.A. წარდგება. გრემის ნომინანტი შემსრულებელი მსოფლიო სცენის გამორჩეულო ვარსკვლავია. მან სხვადასხვა დროს ითანამშრომლა ისეთ არტისტებთან, როგორებიც არიან მადონა, ნიკი მინაჟი, ტრევის სკოტი და სხვები.
Tbilisi Open Air-ის საერთაშორისო ჰედლაინერებს შორის ასევე ვხედავთ ისეთ შემსრულებლებს, როგორებიც არიან Aurora, Masego, La Femme, She Wants Revenge, Lebanon Hanover და სხვები. აღსანიშნავია, რომ Archive ფესტივალ Tbilisi Open Air-ის ფარგლებში მესამედ დაუკრავს.
Tbilisi Open Air-ის სცენა ტრადიციულად ქართველ არტისტებსაც დაეთმობა. MokuMoku, Mechanical Rainbow, Circus Mircus, Killages, Avara, „ბაჩო ჯიქიძე & ესთეტი ბიჭები”, Psychonaut 4, Loudspeakers – წელს მთავარ სცენაზე სწორედ ამ ქართველ ბენდებს მოისმენს ფესტივალის აუდიტორია. გარდა ამისა საფესტივალო ტერიტორიაზე წარმოდგენილი იქნება კიდევ სამი სცენა – Khidi Stage, Zion Garden და Singer Stage.
Tbilisi Open Air 2024 კვლავაც ჩვეულ ადგილას – Lisi Wonderland-ის სივრცეში ჩატარდება.
ფესტივალის სრული ლაინაფი იხილეთ აქ.
