ბილი აილიში მესამე სტუდიურ ალბომს აანონსებს

პოპ-ვარსკვლავმა ალბომის ყდა გააზიარა და დაადასტურა, რომ მასში შესული არცერთი სინგლი პროექტის დაწყებამდე არ გამოვა.
ბილი აილიში - ფოტო: მეისონ პული
ბილი აილიში – ფოტო: მეისონ პული

22 წლის მუსიკოსმა ბილი აილიშმა ამ წლის გაზაფხულზე მესამე სტუდიური ალბომის გამოსვლა სოციალურ ქსელში 8 აპრილს საბოლოოდ დაადასტურა.

აილიშის თქმით, ალბომი სახელწოდებით Hit Me Hard and Soft, 17 მაისს გამოვა.

„ჩემი მესამე ალბომი 17 მაისს გამოვა, შეიძლება ამ პოსტის წერის დროს გავგიჟდე, ისე ვნერვიულობ და ვღელავ ახლა” – წერს აღფრთოვანებით  პოპ-ვარსკვლავი.

ცხრაგზის გრემის მფლობელმა მომღერალმა ისიც დაადასტურა, რომ მისი პირველი და მეორე სტუდიური ალბომების, 2019 წლის  When We All Fall Asleep, Where Do We Go? და  2021 წლის Happier Than Ever მსგავსად, ამ ახალი ალბომის პროდიუსერიც მისი ძმა ფინეასი იქნება. ბილი აილიშმა თაყვანისმცემლები წინასწარ გააფრთხილა რომ, პროექტის გამოშვებამდე არცერთი სინგლი არ გამოვა.

„მსურს ყველაფერი ერთად მოგცეთ… მე და ფინეასი ნამდვილად ვიამაყებთ ამ ალბომით და ერთი სული გვაქვს, თქვენც როდის მოისმენთ.” – ამბობს პოპ-ვარსკვლავი.

ბილი აილიშმა სოციალურ ქსელში თიზერ-ვიდეოც გამოაქვეყნა სათაურით – „მზად ხართ?”

თიზერის გამოქვეყნებამდე ბილი აილიშმა ინსტაგრამ სთორიზე დამაინტრიგებელი ტექსტი დაწერა „ხვალ რაღაც უნდა გითხრათ…”

ცოტა ხნის წინ პოპ-ვარსკვლავმა  ინსტაგრამზე 100 მილიონზე მეტი გამომწერი „ახლო მეგობრების” სიაში დაამატა, სადაც გულშემატკივრებისთვის საიდუმლო შეტყობინებებს და მინიშნებებს აქვეყნებს. აღსანიშნავია, რომ ამ ნაბიჯით მომღერალმა ზუსტად ორ დღეში 7 მილიონი ახალი გამომწერი მოიპოვა. 

ნახეთ ბილი აილიშის ინსტაგრამ პოსტები მესამე სტუდიური ალბომის შესახებ:

Share
Tweet
Share
Share
Share

წინა სტატია

Cowboy Carter ბიონსეს მერვე ალბომია, რომელმაც Billboard 200-ის ჩარტის პირველი ადგილი დაიკავა

შემდეგი სტატია

ჯიმი ფელონი და Heart სიმღერის Total Eclipse of the Heart შესრულების დროს. ფოტო: ტოდ ოუვენგი NBC

ამერიკულ როკ-ჯგუფ Heart-ისა და ჯიმი ფელონის გამოსვლა მზის ნაწილობრივი დაბნელების დროს

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი