არიანა გრანდეს ახალი მუსიკალური კლიპის, The Boy Is Mine-ის თარიღი უკვე ცნობილია. ორშაბათს, 27 მაისს, მომღერალმა ინსტაგრამზე პოსტი გამოაქვეყნა, სადაც აღნიშნავს, რომ კლიპი 7 ივნისს გამოქვეყნდება.
ერთი კვირის წინ არიანა გრანდემ ინსტაგრამზე რამდენიმე ფოტო გამოაქვეყნა, რომელიც, თაყვანისმცემლების ვარაუდით, ახალი მუსიკალური ვიდეოს გადასაღებ მოედანზე იყო გადაღებული.
რეჟისორი კრისტიან ბრესლაური, რომელიც არიანა გრანდეს ორ მუსიკალურ ვიდეოზე, Yes, And? და We Can’t Be Friends (Wait for Your Love)-ზე მუშაობდა, არიანას პოსტზე წერს: „აიღე პოპკორნი და მოემზადე, აქტი III – მალე.“
აღსანიშნავია, რომ არიანა გრანდეს მარტში გამოქვეყნებული სინგლი We Can’t Be Friends ბილბორდის პოპ Airplay-ის ჩარტში პირველ ადგილზეა. სინგლი გამოსვლიდან ერთ კვირაში ბილბორდის საუკეთესო ასეულში პირველ ადგილზე მოხვდა და ამავე კვირაში პოპ-ვარსკვლავის მეშვიდე სტუდიური ალბომი Eternal Sunshine ბილბორდ 200-ის ალბომების ჩარტში პირველ ადგილზე გავიდა.
ნახეთ არიანა გრანდეს მუსიკალური ვიდეო კლიპის თიზერი:
