CBS-ის ახალი თიზერ ვიდეო 67-ე გრემის დაჯილდოებას ეძღვნება, სადაც სპეციალურად მიწვეული სტუმრის სტატუსით ბიონსე და ტეილორ სვიფტი წარდგებიან. სარეკლამო ვიდეორგოლში სხვა არტისტებიც არიან დასახელებულები, მათ შორის: ბენსონ ბუნი, ბილი აილიში, ჩაპელ როანი, ჩარლი XCX და საბრინა კარპენტერი.
ბიონსე 67-ე ყოველწლიური გრემის დაჯილდოების ნომინაციებში თერთმეტი ნომინაციით ლიდერობს, ხოლო ტეილორ სვიფტს ექვსი ნომინაცია აქვს. ორი მეგავარსკვლავი ერთმანეთს წლის ალბომის, ჩანაწერის და სიმღერის კატეგორიებში ეჯიბრებიან. აღსანიშნავია, რომ წლის ალბომის კატეგორიაში ბიონსეს ოთხი წაგების შემდეგ გამარჯვების შანსი მიეცა. რაც შეეხება ტეილორ სვიფტს, ის ამ კატეგორიაში, რეკორდული მეხუთე გამარჯვებისთვის იბრძვის.
ბიონსემ გრემიზე უკანასკნელად 2017 წელს იმღერა, როდესაც მისი ცნობილი ალბომიდან Lemonade სიმღერები Love Drought და Sandcastles შეასრულა. ტეილორ სვიფტი კი ბოლოს გრემის დაჯილდოებაზე 2021 წელს, სიმღერებით Cardigan და August წარდგა.
გრემის დაჯილდოების სხვა შემსრულებლები მომდევნო დღეებში გახდება ცნობილი.
შოუ ლოს-ანჯელესში, Crypto.com Arena-ზე გაიმართება და მას ტრევორ ნოი უმასპინძლებს. პირდაპირი ტრანსლაცია CBS-ზე, კვირას, 2 თებერვალს დაიწყება, სტრიმინგი კი Paramount+-ზეა დაგეგმილი.
როგორც გასულ კვირას გამოცხადდა, წლევანდელი გრემის ტრანსლაციას განსაკუთრებული მიზანი ექნება, რაც ლოს-ანჯელესის ტყის ხანძრების დახმარების ფონდში დამატებითი თანხების მოზიდვას გულისხმობს.
67-ე ყოველწლიური გრემის დაჯილდოების აღმასრულებელი პროდიუსერები ბენ უინსტონი, რაჯ კაპური და ჯესი კოლინსი არიან.
დაჯილდოების ტრანსლაციამდე გრემის პრემიის ცერემონია პირდაპირ ეთერში Peacock Theater-ზე გავა, სტრიმინგის სახით კი გრემის ვებსაიტზე იქნება ხელმისაწვდომი.
იხილეთ თიზერ ვიდეო, რომელიც ერთ-ერთმა გულშემატკივარმა X-ზე განათავსა.
maybe they just meant she’s gonna be there 😭 https://t.co/PxKPWQwyXL pic.twitter.com/JptMPuo1pg
— aurora⸆⸉ 🪩 (@aurorasadprose9) January 27, 2025
