2024 წელს საბრინა კარპენტერმა გულშემატკივრების მოწონება ჰიტ სინგლით, Espresso-თი დაიმსახურა. მომღერალი ცდილობს, ეს წარმატება წელსაც გაიმეოროს. პოპვარსკვლავმა ახალი სიმღერის, სახელწოდებით Manchild-ის გამოსვლა დააანონსა.
საბრინა კარპენტერმა სოციალურ მედიაში სიმღერის ყდის ფოტო გააზიარა და გაამხილა რომ სინგლი
6 ივნისს გამოვა. – „ეს შენზეა” – წერს მომღერალი.
გრემის მფლობელმა არტისტმა თიზერ ვიდეოც გააზიარა, სადაც იგივე სამოსი აცვია, რაც Manchild-ის ყდაზეა.
ახალი სიმღერის გამოსვლა საბრინა კარპენტერის მიღწევებით სავსე წელს მოჰყვება, – გასული ზაფხულის ჰიტი Espresso არტისტის კარიერაში ყველაზე წარმატებულ ნამუშევრად იქცა. სიმღერამ 2024 წლის ივნისში Billboard Hot 100-ში მესამე ადგილი დაიკავა, ალბომი Short n’ Sweet- კი Billboard 200-ზე პირველ ადგილზე გავიდა.
Manchild ასევე იქნება პირველი ახალი ნამუშევარი, თებერვალში გამოცემული Short n’ Sweet-ის დელუქს ალბომის შემდეგ.
ნახეთ საბრინა კარპენტერის პოსტი Manchild-ის შესახებ:
