ილიონა რულენი, სასცენო სახელით ილიონა, ბელგიელი ავტორ-შემსრულებელი, მუსიკოსი და პროდიუსერია, რომელიც 2000 წლის 7 ივლისს ბრიუსელში დაიბადა. თვითნასწავლმა არტისტმა საჯარო ცნობადობა 2020 წელს მოიპოვა სიმღერით Moins Joli და მალევე გააფორმა კონტრაქტი Artside Music-თან. ორი EP-ის შემდეგ – Tristesse (2021) და Tête brulée (2022) – 2025 წლის მარტში ილიონამ სადებიუტო ალბომი What If I Break Up With U? გამოსცა, რომელშიც შედის სინგლები Le Lapin, Stp, Rater une rupture pour les nuls, Lâche-moi la main და Ça n’existe pas.
მისი მინიმალისტური სტილი უპირატესობას ანიჭებს ტექსტებს და ხშირად ეხება გულისტკენისა და ემოციური მოწყვლადობის თემებს. 2025 წლის თებერვალში მუსიკოსმა თავისი პირველი ტურნე დააანონსა, რომელიც 4 ქვეყნის 11 ქალაქს მოიცავს. უკვე სრულადაა გაყიდული ბრიუსელისა და პარიზის კონცერტების ბილეთები.
