პოპვარკსვლავმა საბრინა კარპენტერმა მეშვიდე სტუდიური ალბომის, Man’s Best Friend-ის გამოსვლამდე ფრაზა „ადამიანის საუკეთესო მეგობარი“ პირდაპირი მნიშვნელობით გაითავისა.
ალბომი Island Records-ის მეშვეობით 29 აგვისტოს გამოვა. აღსანიშნავია, რომ კარპენტერმა ალბომში შესული სიმღერების სია უჩვეულოდ, გოლდენ რეტრივერის ლეკვთან და ორ იღბლიან გულშემატკივართან ერთად გაასაჯაროვა.
სიმღერათა სია კარპენტერმა ალბომის დაანონსებიდან დაახლოებით ერთი თვის თავზე გამოავლინა, ე.წ. ტრეკლისტის გამხელა არტისტმა მეთორმეტე სიმღერით, Goodbye-ით დაიწყო, სადაც თანმხლებ ფოტოზე ერთ-ერთი გულშემატკივარი მარია ლეკვით ხელში დგას.
ორი დღის შემდეგ კარპენტერი კვლავ დაუბრუნდა ლეკვების თემატიკას, რათა რიგით მეთერთმეტე სიმღერა – House Tour გამოეცხადებინა, ამჯერად გულშემატკივარ ნერიასა და გოლდენ რეტრივერის ლეკვთან ერთად: „ნერია და გოლდენი = სახლს, ტკბილი სახლი. მე-11 სიმღერა, სახელწოდებით House Tour.” – დაწერა მომღერალმა @teamsabrina-ს ინსტაგრამზე. მისმა ორივე პოსტმა გულშემატკივრების დიდი მოწონება დაიმსახურა.
საბრინა კარპენტერის მომავალი ალბომი 2024 წელს გამოშვებული Short n’ Sweet-ის შემდეგ გამოდის. მომღერლის ბოლო სინგლი Manchild კი 5 ივლისს გამოვიდა. ახალი ალბომი Man’s Best Friend – Short n’ Sweet-ის გამოცემიდან ზუსტად ერთი წლის შემდეგ გამოვა, ეს უკანასკნელი კი Billboard 200-ზე ოთხი კვირის განმავლობაში პირველ ადგილზე პოზიციონირებდა. მომავალ ალბომში შესული სინგლი Manchild, Billboard Hot 100-ის სათავეში უკვე ჩაეწერა, ეს კი საბრინა კარპენტერის კარიერაში მეორე ნომერ პირველი ჰიტია.
ალბომი Man’s Best Friend წინასწარ შეკვეთით სხვადასხვა ფორმატში უკვე ხელმისაწვდომია, მათ შორის ჯეიკობ როჩესტერის მიერ დახატულ დისკზეც.
