სელინ დიონმა პარიზში დაგეგმილი კონცერტების სერია, სახელწოდებით Celine Dion Paris 2026 კიდევ უფრო გაზარდა. 7 აპრილს მომღერალმა განაცხადა, რომ სცენაზე მის დიდი ხნის ნანატრ დაბრუნებას, რომელიც ხუთკვირიან რეზიდენციას მოიცავს, კიდევ ექვსი შოუ დაემატება. ამით საფრანგეთში დაგეგმილი კონცერტების საერთო რაოდენობა თექვსმეტამდე გაიზრდება.
შემოდგომის კონცერტები Paris La Défense Arena-ზე 18 და 25 სექტემბერს, ასევე 2, 9, 16 და 17 ოქტომბერს გაიმართება. ბილეთების წინასწარი გაყიდვები 9 აპრილამდე გაგრძელდება და იმ გულშემატკივართათვის იქნება ხელმისაწვდომი, ვინც გასულ კვირას Fair AXS-ზე წინასწარ დარეგისტრირდა. ბილეთების შესახებ დამატებითი ინფორმაციისთვის ეწვიეთ ბმულს.
სელინ დიონმა კონცერტების სერიის შესახებ გასულ თვეს ეიფელის კოშკის ფონზე ჩაწერილ ვიდეოში გამოაცხადა. მან გულშემატკივრებს უთხრა, რომ თავს კარგად გრძნობს, ჯანმრთელობის მდგომარეობას აკონტროლებს და კვლავ ფორმაშია. ეს იყო მინიშნება მის მრავალწლიან მუსიკალურ პაუზაზე, რომელიც მისი ნევროლოგიური დაავადებით იყო გამოწვეული.
„ყველაზე რთულ პერიოდშიც კი თქვენ ჩემს გვერდით იყავით, ისე დამეხმარეთ, ამის სიტყვებით აღწერა შეუძლებელია, მუდმივად ვგრძნობდი თქვენს ლოცვას, მხარდაჭერას, სიკეთესა და სიყვარულს“. – აღნიშნა მომღერალმა.
აღსანიშნავია, რომ სელინ დიონს 2024 წლის შემდეგ საჯაროდ არ უმღერია, მას შემდეგ რაც ზაფხულის ოლიმპიური თამაშების გახსნის ცერემონიაზე ედიტ პიაფის Hymne A L’Amour-ის ემოციური ვერსია შეასრულა. 2022 წელს 58 წლის სელინ დიონმა გაამხილა, რომ მას იშვიათი ნევროლოგიური დარღვევა (Stiff Person Syndrome) დაუდგინდა. ეს არის დაავადება, რომელიც კუნთების გაშეშებას და ძლიერ ტკივილს იწვევს, რის გამოც მან დაგეგმილი ტურნე გააუქმა.
ნახეთ სელიონ დიონის 2026 წლის პარიზის რეზიდენციის თარიღების სრული სია:
12 – სექტემბერი
16 – სექტემბერი
18 – სექტემბერი
19 – სექტემბერი
23 – სექტემბერი
25 – სექტემბერი
26 – სექტემბერი
30 – სექტემბერი
2 – ოქტომბერი
3 – ოქტომბერი
7 – ოქტომბერი
9 – ოქტომბერი
10 – ოქტომბერი
14 – ოქტომბერი
16 – ოქტომბერი
17- ოქტომბერი
