ლიზა ბათიაშვილი და გიორგი გიგაშვილი ჩრდილოამერიკულ ტურნეში მიემგზავრებიან. ქართველი მუსიკოსები ოთხ ქალაქში (ტორონტო, ნიუ-იორკი, პრინსტონი, ბოსტონი) ჯამში ხუთ კონცერტს გამართავენ.
კონცერტების სერია სტარტს 26 აპრილს ტორონტოში, სამეფო კონსერვატორიაში აიღებს. მუსიკოსები ასევე წარდგებიან ისეთ ცნობილ სცენებზე, როგორებიცაა კარნეგი-ჰოლი, პრინსტონის უნივერსიტეტი და ახალი ინგლისის კონსერვატორია. ტურნე პირველ მაისს ბოსტონში დასრულდება.
