2026 წლის მსოფლიო ჩემპიონატის ფინალზე მადონა, შაკირა და BTS იმღერებენ

19 ივლისის მატჩი ფიფას მსოფლიო ჩემპიონატის ისტორიაში პირველი შემთხვევა იქნება, როცა ტაიმებს შორის მუსიკალური შოუ გაიმართება.
BTS
BIGHIT MUSIC

2026 წლის მსოფლიო საფეხბურთო ჩემპიონატზე მადონა, შაკირა და BTS წარდგებიან. ფინალი 19 ივლისს MetLife სტადიონზე გაიმართება და ფიფას მსოფლიო ჩემპიონატის ისტორიაში პირველი შემთხვევა იქნება, როცა ტაიმებს შორის მუსიკალური შოუ გაიმართება. „ბილბორდის” ინფორმაციით, შოუს ქრონომეტრაჟი 11 წუთი იქნება. 

ახალი ამბავი სოციალურ ქსელში ვიდეოთი გავრცელდა, რომელშიც მონაწილეობენ კრის მარტინი და Sesame Street-ის პერსონაჟები. ეს უჩვეულო გუნდი კი  „ფეისტაიმით” BTS-ს ურეკავს. 

შაკირას სახელი უკვე დაკავშირებულია წლევანდელ ჩემპიონატთან, რომელსაც ჩრდილოეთ ამერიკა – აშშ, კანადა და მექსიკა უმასპინძლებს. ცოტა ხნის წინ ჩემპიონატის ოფიციალური სიმღერა Dai Dai დაანონსდა, რომელსაც სწორედ შაკირა ასრულებს Burna Boy-სთან ერთად. ეს მომღერლისთვის უკვე მეორე მსოფლიო ჩემპიონატის ჰიმნია Waka, Waka (This Time for Africa)-ს შემდეგ, რომელიც 2010 წლის ჩემპიონატისთვის ჩაიწერა. შაკირას მსოფლიო ტურნეს ივლისის კონცერტები – 14 და 20 ივლისს –  სწორედ ნიუ-ჯერსისა და ნიუ-იორკშია დაგეგმილი. 

დატვირთული ივლისის თვე აქვს მადონასაც Confessions II ალბომის გამო, რომელიც 3 ივლისს გამოდის. მანამდე მომღერალმა გამოსცა სინგლები I Feel So Free და Bring Your Love – დუეტი საბრინა კარპენტერთან, რომლის ლაივ დებიუტიც კოაჩელაზე შედგა. 

რაც შეეხება BTS-ს, ჯგუფს წელს დიდი დაბრუნება ჰქონდა 20 მარტს გამოცემული მეექვსე სტუდიური ალბომით ARIRANG. ეს მათი პირველი ერთობლივი პროექტია მას შემდეგ, რაც სამხედრო სამსახურის გავლის გამო ჯგუფის წევრებმა შემოქმედებითი  პაუზა აიღეს. ალბომი Billboard 200-ის ლიდერი გახდა და ჩარტში სამი კვირა გაატარა. გასულ კვირას ისინი ალბომის მხარდასაჭერ მსოფლიო ტურნეში გაემგზავრნენ. 

ფიფას მსოფლიო ჩემპიონატის შოუს კურატორები Global Citizen და კრის მარტინი  არიან. შოუდან შემოსული თანხა ფიფას Global Citizen Education Fund-ს მოხმარდება, რომლის მიზანია 100 მილიონი დოლარის მობილიზება, რათა ბავშვებისთვის განათლებასა და ფეხბურთზე წვდომა გააფართოოს. ფონდს უკვე 30 მილიონ დოლარზე მეტი აქვს შეგროვებული. მსოფლიო ჩემპიონატის თითოეული გაყიდული ბილეთიდან 1 დოლარი სწორედ ფონდში ირიცხება.

Global Citizen და კრის მარტინი ასევე კურატორობდნენ გასული წლის საკლუბო მსოფლიო ჩემპიონატის შოუს, რომლის ჰედლაინერები იყვნენ Doja Cat, J Balvin და ტემსი. 

გასულ კვირას, ფიფამ გამოაცხადა, რომ მსოფლიო ჩემპიონატის გახსნის ცერემონიებზე, რომლებიც ასევე აშშ-ში, კანადასა და მექსიკაში გაიმართება, კეტი პერი, ტაილა და ლისა წარდგებიან.  

მართალია, ეს პირველი შემთხვევაა, როცა მსოფლიო ჩემპიონატის საფინალო ტაიმებს შორის მუსიკალური შოუ შედგება, თუმცა მონაწილეთაგან ორს უკვე აქვს Super Bowl-ზე გამოსვლის გამოცდილება. მადონა Super Bowl-ის სცენაზე 2012 წელს წარდგა, შაკირა კი, ჯენიფერ ლოპესთან ერთად, 2020 წელს. 

Share
Tweet
Share
Share
Share

Leave a Reply

წინა სტატია

ანანო სიხარულიძემ ახალი მუსიკალური ვიდეო –  Sweetraw წარადგინა

შემდეგი სტატია

U2 მეხიკოს მთავარ მოედანზე უფასო კონცერტის ჩასატარებლად მიიწვიეს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი