Beck  შვიდწლიანი პაუზის შემდეგ ახალ ალბომს, Ride Lonesome-ს აანონსებს და სინგლ In the Night-ის ვიდეორგოლს აქვეყნებს

2019 წლის Hyperspace-ის შემდეგ Beck მე-16 სტუდიური ალბომით ბრუნდება, რომელიც 18 სექტემბერს გამოვა.
Beck - 2025 წლის როკ-ენ-როლის დიდების დარბაზში შეყვანის ცერემონიაზე Peacock Theater-ში, 2025 წლის 8 ნოემბერი, ლოს-ანჯელესი, კალიფორნია. GILBERT FLORES/BILLBOARD
Beck – 2025 წლის როკ-ენ-როლის დიდების დარბაზში შეყვანის ცერემონიაზე Peacock Theater-ში, 2025 წლის 8 ნოემბერი, ლოს-ანჯელესი, კალიფორნია.
GILBERT FLORES/BILLBOARD

შვიდწლიანი პაუზის შემდეგ ამერიკელი არტისტი Beck ახალ სტუდიურ ალბომს აანონსებს. მუსიკოსმა 15 ივლისს განაცხადა, რომ მისი მე-16 სტუდიური ალბომი –  Ride Lonesome, Capitol Records-ის ლეიბლის მეშვეობით 18 სექტემბერს გამოვა.

ალბომის გამოცემასთან ერთად Beck-მა სინგლი In the Night და მასზე გადაღებული ვიდეორგოლიც წარადგინა.

„ჩემი ახალი ალბომი Ride Lonesome ამ შემოდგომას გამოვა. მასზე მუშაობისთვის კვლავ შევიკრიბეთ ის მუსიკოსები, რომლთან ერთადაც Sea Change, Morning Phase და Mutations ჩავწერე და ვისთან ერთადაც წლების განმავლობაში ტურნეში დავდიოდი. ესენი არიან: სმოკ ჰორმელი  (გიტარა), ჯოი ვარონკერი (დრამი), ჯასტინ მელდალ-ჯონსენი (ბას-გიტარა), როჯერ-ჯოზეფ მენინგ უმცროსი (კლავიში) და ჯეისონ ფოლკნერი  (გიტარა). ჩვენ ისევ შევხვდით ჩემს საყვარელ United Studios-ის Room B-ში, ჰოლივუდში.”  – აღნიშნა Beck-მა.

„ათი წელი იყო გასული მას შემდეგ, რაც ბოლოს Morning Phase-ზე ვიმუშავეთ სტუდიაში. ამჯერად ვიგრძენით, რომ ჩვენი ურთიერთგაგება და მუსიკალური ქიმია კიდევ უფრო გაღრმავდა. ეს არის ჟღერადობა, რომელიც ათწლეულების განმავლობაში ერთობლივი მუშაობის შედეგად ჩამოყალიბდა. მიუხედავად იმისა, რომ თითქოს ნაცნობ მუსიკალურ და ფიზიკურ სივრცეს დავუბრუნდით, ამ პროცესში ახალი ხმები და განსხვავებული ემოციური ჟღერადობაც აღმოვაჩინეთ.“  – ამბობს მუსიკოსი.

აპრილში Beck-მა ალბომის ამავე სახელწოდების სიმღერა Ride Lonesome გამოუშვა, რომელიც მშვიდი, ჩამაფიქრებელი კომპოზიციაა და შინაგანი ტკივილის განცდას ატარებს, ამავე განწყობას აგრძელებს მისი მეორე სინგლიც –  In the Night.

აკუსტიკურ გიტარაზე აგებული, სიმებიანი ინსტრუმენტებითა და დახვეწილი სასულე პარტიებით გაფორმებული ბალადა Beck-ის სევდიან ვოკალზეა აგებული. სიმღერას თან ახლავს რეჟისორ Mikai Karl-ის მიერ გადაღებული ვიდეორგოლი, რომლის მთავარი გმირი ფრანგი მსახიობი დენი ლავანია. 

ვიდეოში  დენი ლავანი სევდიან პერსონაჟს ასახიერებს, რომელიც  საკუთარ ბედსა და ფიქრებშია ჩაძირული. მინიმალისტური ვიზუალი კი  სიმღერის მელანქოლიურ განწყობას კიდევ უფრო ამძაფრებს.

Beck-ის მომავალი ალბომი – Ride Lonesome შემდეგ კომპოზიციებს აერთიანებს: Ride Lonesome, Run Away, In the Night, Failed Words, Bleep, Disappearing Act, For Your Love, Slow Canyon, It Ends Right Here, Falling Through My Hands, If You Don’t Know What Love Is, და Beyond the Light.

ახალი ალბომის მხარდასაჭერად Beck ჩრდილოეთ ამერიკულ ტურნეს, Ride Lonesome Tour-ს გამართავს. ტურნე 16 სექტემბერს კანადის ქალაქ ვანკუვერში, „დედოფალ ელისაბედის თეატრში“ დაიწყება და 31 ოქტომბერს ნეშვილში, The Truth-ში დაგეგმილი კონცერტით დასრულდება.

ნახეთ Beck-ის ახალი სინგლის, In the Night-ის  ოფიციალური ვიდეორგოლი. 

Share
Tweet
Share
Share
Share

Leave a Reply

წინა სტატია

Aleksandre Kharanauli & Vaqo -„სულის ლომბარდი"

VAQO-ს და ალექსანდრე ხარანაულის კოლაბორაცია – „სულის ლომბარდი“

შემდეგი სტატია

„ზან-ზარი“ – ორდღიანი მუსიკალური ფესტივალი მთაწმინდის ამფითეატრში გაიმართება

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი