მურმან წულაძის ახალი მუსიკალური კლიპი სიმღერისთვის – Ik Tarara

არტისტი სინგლ Ik Tarara-ს მუსიკალური კლიპის შექმნის პროცესზე და სამომავლო გეგმებზე Billboard საქართველოსთან საუბრობს.
Murman Tsuladze - Ik Tarara (Official video
Murman Tsuladze – Ik Tarara (Official video

მურმან წულაძემ ახალი მუსიკალური ვიდეოკლიპი წარადგინა სიმღერაზე Ik Tarara. კომპოზიციის შექმნის პროცესი რამდენიმე ქვეყანას და განსხვავებულ ემოციურ მდგომარეობას აერთიანებს. მელოდია ფლორენციაში დაიწერა, ქალაქში, რომლის მშვიდი და თავისუფალი ატმოსფერო ავტორისთვის პარიზის ხმაურიანი ცხოვრებისგან ერთგვარ განტვირთვად იქცა. სიმღერის ტექსტი კი უკვე საქართველოში შეიქმნა. როგორც თავად მუსიკოსი აღნიშნავს, სწორედ ამ ეტაპზე აღმოჩნდა ყველაზე რთული ფლორენციაში განცდილი განწყობის შენარჩუნება და იმავე ემოციის ტექსტში გადმოტანა. 

ხანგრძლივი ძიების შემდეგ კი სიმღერამ საბოლოო, სრულყოფილი სახე მიიღო.

მუსიკალური ვიდეოკლიპი Erti Arkhi-ს მიერაა წარმოებული. პროექტის ხელმძღვანელი მებო ნუცუბიძეა, ხოლო აღმასრულებელი პროდიუსერი თამარ ჭინჭარაული.

კლიპი რეჟისორმა ნია ჟვანიამ გადაიღო,  ხოლო საუნდ დიზაინზე HEIMA ფროდაქშენმა და ხმის დიზაინერმა ლერი შეწირულმა იმუშავეს. 

მურმან წულაძე – მუსიკოსი:

„კლიპის იდეა თავიდან ჩემმა შეყვარებულმა შემომთავაზა, შემდგომ დავხვეწეთ, გადაღებისთვის კი მებო ნუცუბიძეს მივმართე (ვისიც არის Erti arkhi და ვინც ძალიან ხარისხიან მუსიკალურ კონტენტს აკეთებს). ძალიან მოეწონა ჩანაფიქრი და მუშაობაც დავიწყეთ. მებომ აღმასრულებელ პროდიუსერად თამარ ჭინჭარაული და რეჟისორად ნია ჟვანია შემომთავაზა, რომლებიც ძალიან ნიჭიერები არიან. სწორედ მათი პროფესიონალიზმის შედეგად დაიხვეწა სიუჟეტის იდეა და სცენარი. კლიპში მთავარ როლს ჩემი და, თათია წულაძე ასრულებს. გადაღებაში ძალიან ნიჭიერმა ხალხმა მიიღო მონაწილეობა, რომელთა სახელები, გვარები და პოზიციებიც კლიპის აღწერაშია მითითებული.“ 

Ik Tarara-ს მთავარი სათქმელი უბრალო, თუმცა სიღრმისეულ ჭეშმარიტებას ეფუძნება. სიმღერა სიყვარულის შესახებ მარტივ, მაგრამ მნიშვნელოვან გზავნილს ატარებს –  „როდესაც სიყვარული ნამდვილია, წყენა და დროებითი დისტანცია ურთიერთობის არსს ვერ ცვლის.“ – ამბობს მუსიკოსი.

უახლოეს მომავალში მურმან წულაძე მსმენელს აქტიურ შემოქმედებით საქმიანობას ჰპირდება. მისი ახალი EP-დან Firma კიდევ ორი მუსიკალური ვიდეოკლიპის გადაღება იგეგმება, აგვისტოს ბოლოს კი ახალი სინგლი, „მუზიკანტი“ გამოვა. პარალელურად მუსიკოსი ახალ ალბომზეც მუშაობს, რომლის კონცეფცია და სახელწოდება შერჩეულია, თუმცა გამოსვლის თარიღი ჯერჯერობით უცნობია.

ამასთან, არტისტი მსმენელს საკუთარ ლაივ კონცერტზე იწვევს, სადაც ახალი და უკვე ნაცნობი კომპოზიციები გაიჟღერებს.

„ვუკრავ თბილისში, „დედაენა ბარში“. მოდით, აგიყვანოთ მაღლა!” – ამბობს მურმან წულაძე.

ნახეთ არტისტის ახალი ვიდეოკლიპი სიმღერისთვის Ik Tarara:

Share
Tweet
Share
Share
Share

Leave a Reply

წინა სტატია

Moby ქართველი აუდიტორიის წინაშე პირველად წარდგა

შემდეგი სტატია

საიმიგრაციო სამსახურის ახალ ვიდეოებში თეთრი სალხი Bad Bunny-სა და დრეიკის სიმღერებს იყენებს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი