BLACKPINK-ის LISA ენერგიული სინგლით ბრუნდება. მისი სათაურია SaWaDiKa და ის ტაილანდურიდან ქართულ ენაზე „გამარჯობას“ ნიშნავს. ტრეკში არტისტი რეპ პარტიასაც ასრულებს.
ვიდეო 4 სექტემბერს გამოვიდა და ის მომღერლის მშობლიურ ქალაქ ბანგკოკში გადაიღეს. მუსიკალური ნამუშევრის პროდიუსერია Thom Bridges. მინიმალისტური და მძიმე ბასებით გაჯერებული სიმღერის ვიდეოში მაღალი მოდის კვირეულის ესთეტიკასა და დინამიკას ვხედავთ. ვიდეოს რეჟისორი Bang Jae Yeob-ია.
Lifestyle Asia-ს ცნობით, ვიდეორგოლი ტაილანდის ღირსშესანიშნაობების ერთგვარი ტურია. მასში შეხვდებით Hua Lamphong-ის რკინიგზის სადგურს, Soi Charoen Khet 1-ის უბანს და Dib Bangkok-ს – თანამედროვე ხელოვნების მუზეუმს, რომელიც გასულ წელს გაიხსნა.
კომპოზიცია პირველი რელიზია LISA-ს დაანონსებული EP-იდან, სახელწოდებით – Press Play, რომელიც 23 ოქტომბერს გამოვა.
სინგლი მომღერლის, რეპერისა და მსახიობისთვის წელს პირველი სოლო ნამუშევარია. იქამდე LISA-მ მონაწილეობა მიიღო FIFA-ს 2026 წლის მსოფლიო ჩემპიონატის ჰიმნში – Goals. გარდა ამისა, არტისტი დოკუმენტურ ფილმს – Always Lalisa-ს გამოუშვებს. პრემიერა 12 ოქტომბერს შედგება. მომღერალი ასევე ემზადება თავისი რეზიდენციული შოუების სერიისთვის, რომლის სახელწოდებაა Viva La Lisa. შოუები ლას-ვეგასში, Caesars Palace-ის Colosseum-ში 13, 14, 27 და 28 ნოემბერს გაიმართება.
იხილეთ SaWaDiKa-ს ვიდეო:
