ცნობილი კანადური ინდი როკ ბენდის Arcade Fire წევრმა, მულტიინსტრუმენტალისტმა უილ ბათლერმა კოლექტივი დატოვა. ამის შესახებ თაყვანისმცემლებს მუსიკოსმა სოციალურ ქსელ ტვიტერის საშუალებით აცნობა. არტისტი, რომელიც ჯგუფის ფრონტმენის, უინ ბათლერის ძმაა, გაერთიანების შემადგენლობაში 2004 წლიდან მოღვაწეობდა და ბენდის სადებიუტო ალბომშიც მონაწილეობდა.
I left at the end of last year, after the new record was complete. There was no acute reason beyond that I’ve changed—and the band has changed—over the last almost 20 years. Time for new things.
— Will Butler (@butlerwills) March 19, 2022
The band are still my friends and family pic.twitter.com/0E1Dtj9vZm
— Will Butler (@butlerwills) March 19, 2022
ჯგუფის მომავალი, რიგით მეექვსე ჩანაწერი WE გაყიდვაში მიმდინარე წლის 6 მაისს ჩაეშვება. მასში ბენდის ახალი სიმღერა “The Lightning I, II” იქნება წარმოდგენილი. აღსანიშნავია, რომ სხვადასხვა დროს ბილბორდის ალბომების ჩარტის, Billboard 200-ის სათავეში Arcade Fire-ს სამი ნამუშევარი The Suburbs, Reflektor და Everything Now მოხვდა, ხოლო 2007 წლის სტუდიური ალბომი Neon Bible მეორე ადგილს დასჯერდა.
