ჰანს ციმერმა მეორე ოსკარი მოიგო

ფოტო: John Shearer/Invision/AP

ცნობილმა გერმანელმა კომპოზიტორმა, ჰანს ციმერმა ფილმისთვის Dune შექმნილი ნამუშევრით საუკეთესო მუსიკალური თემის კატეგორიაში ოსკარი მიიღო. ნომინაციაზე აგრეთვე წარდგენილი იყვნენ: ნიკოლას ბრიტელი ფილმისთვის Don’t Look Up, ჯერმენი ფრანკო სურათისთვის Encanto, ალბერტო იგლესიასი კინონამუშევრისთვის Parallel Mothers და ჯონი გრინვუდი ფილმისთვის The Power of the Dog.

“ღამის 2 საათია და ჩემმა შვილმა, ზოემ გამაღვიძა, სასტუმროს ბარში ჩადიო”, – დაწერა ჰანს ციმერმა სოციალურ ქსელ ტვიტერზე და პოსტს ფოტოებიც დაურთო.

64 წლის ციმერი Dune-სთვის დაწერილი მუსიკალური თემით გრემიზეცაა წარდგენილი, რომელიც 3 აპრილს იმართება. ვიზუალური მედიისთვის განკუთვნილი საუკეთესო საუნდტრეკის კატეგორიის ნომინანტები ასევე არიან: ჯონ ბატისტი, ტრენტ რეზნორი და ატიკუს როსი ფილმისთვის Soul დაწერილი ნაწარმოებით, კომპოზიტორი კრის ბოუერსი სატელევიზიო შოუსთვის Bridgerton შექმნილი ნამუშევრით, კარლოს რაფაელ რივერა The Queen’s Gambit-ის საუნდტრეკითა და ლუდვიგ გორანსონი სერიალისთვის The Mandalorian მეორე სეზონის მუსიკალური თემით.

ჰანს ციმერმა შემოქმედებითი მოღვაწეობა 1977 წელს დაიწყო. კარიერის განმავლობაში მან 150-ზე მეტი ფილმისთვის დაწერა მუსიკა. კომპოზიტორმა პირველი ოსკარი 1994 წელს ანიმაციური ფილმისთვის The Lion King შექმნილი მუსიკალური თემისთვის დაიმსახურა. ციმერი ასევე ოთხი გრემისა და სამი ოქროს გლობუსის მფლობელია.

Share
Tweet
Share
Share
Share

წინა სტატია

ნახეთ: ბიონსემ ოსკარების დაჯილდოებაზე Be Alive შეასრულა

შემდეგი სტატია

ნახეთ: ელტონ ჯონმა ტეილორ ჰოკინსს პატივი სიმღერით მიაგო

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი