მოუსმინეთ: მერაია ქერი და ლატო კომპოზიციის Big Energy რემიქსს ავრცელებენ

ამერიკელი მომღერალი მერაია ქერი და რეპერი ლატო ერთობლივი კომპოზიციის Big Energy რემიქს ვერსიას ავრცელებენ, რომელშიც ასევე ამერიკელი არტისტი, დიჯეი ქალიდი მონაწილეობს.

ტრეკის გავრცელებიდან რამდენიმე საათში ლატომ ქერის ტვიტერის საშუალებით დაბადების დღე მიულოცა:

“ვულოცავ ნამდვილ კერპს დაბადების დღეს. დედოფალო, მადლობა შენი ლეგენდარული ვოკალისა და ყველა იმ რჩევისთვის, რომელიც მომეცი. მოდი, შუაღამისას ოთახი ვაზანზაროთ”.

მერაიამ კი უპასუხა:

“რა ამაღელვებელია, ძვირფასო. ბედნიერი ვარ და ვამაყობ შენი მიღწევებით, მაგრამ მე არ მაქვს დაბადების დღეები. ეს ჩემი იუბილეა. გილოცავ, ლამაზო”.

აღსანიშნავია, რომ 16 ივნისს 53 წლის ქერის სონგრაითერების დიდების დარბაზში შეიყვანენ.

Big Energy ლატოს ალბომში “777” შედის, რომელიც გასული წლის სექტემბერში ჩაეშვა გაყიდვაში. მასში ამერიკული ნიუ ვეივ ბენდის Tom Tom Club კომპოზიცია Genius of Love არის გასემპლილი. ტრეკი ბილბორდის ცხელ ასეულში მე-11 პოზიციაზე გავიდა.

ალისა სტივენსი, იგივე Latto, საზოგადოებამ 2016 წელს შოუს The Rap Game პირველ სეზონში გამარჯვებით გაიცნო. განსაკუთრებული წარმატება მას პლატინის სტატუსის მქონე კომპოზიციებმა Bitch from da Souf და Muwop მოუტანა. კარიერის განმავლობაში ლატოს ორი სტუდიური ალბომი აქვს გამოშვებული. აღსანიშნავია, რომ არტისტი თავდაპირველად ფსევდონიმით Mulatto მოღვაწეობდა, თუმცა, სახელის კონტროვერსიულობის გამო 2021 წელს მისი შეცვლა მოუხდა.

Share
Tweet
Share
Share
Share

წინა სტატია

ჰარი სტაილზი ახალ სინგლს As It Was აანონსებს

შემდეგი სტატია

ნახეთ: კამილა კაბეიო და ედ შირანი სიმღერას Bam Bam ასრულებენ

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

DU-BESH – ერეკლე დეისაძემ ახალი მუსიკალური ვიდეო წარადგინა

„არ მინდა, ვიდეოს შინაარსსა და კონცეფციაზე საუბრისას კონკრეტული ვიყო. ამას მაყურებელს და მსმენელს მივანდობ - ნებისმიერ ინტერპრეტაციას მივესალმები.”
მეტი

მოსამართლის გადაწყვეტილებით, Diddy-ს წინააღმდეგ ჯგუფური გაუპატიურების საქმე ანონიმური არ იქნება

მოსამართლის განმარტებით, ქალმა ფაქტების დამტკიცება ანონიმურობის პირობებში ვერ შეძლო.
მეტი